Also Read: ജാസ്മിന്റെ 'പട്ടി' ഉപമ വളച്ചൊടിച്ചത് ലക്ഷ്മിപ്രിയ; പട്ടിയെ പോലെ കാണുന്നത് നിമിഷയെ ആണ്, അതിനും താഴെയാണ് റോബിന്‍; ശരിക്കും ജാസ്മിന്‍ ഉദ്ദേശിച്ചത് എന്താണ്?
ഉദയനാപുരം സുൽത്താൻ ഫെയിം
സാബ് ജോണ്‍ തിരക്കഥയെഴുതിയ സിനിമ നവാഗതനായ വാസുദേവ് സനല്‍ ആണ് പ്രിയം എന്ന സിനിമ സംവിധാനം ചെയ്തത്. ബേണി - ഇഗ്നീഷ്യസ് കൂട്ടുകെട്ടില്‍ പുറത്തുവന്ന ചിത്രത്തിലെ ഗാനങ്ങളും വന്‍ ഹിറ്റായിരുന്നു. സിനിമയില്‍ എന്‍എഫ് വര്‍ഗ്ഗീസ് അവതരിപ്പിച്ച അവറാച്ചന്‍ എന്ന കഥാപാത്രത്തിൻ്റെ മകളായിരുന്നു നാന്‍സി. ഡെന്നീസ് ജോസഫ് സംവിധാനം ചെയ്ത അഗ്രജന്‍ എന്ന ചിത്രത്തിലൂടെയാണ് ശ്രുതി മലയാള സിനിമാ ലോകത്തേക്ക് അരങ്ങേറ്റം കുറിച്ചത്. എന്നാല്‍ ഈ സിനിമയ്ക്ക് വലിയ വിജയം കൈവരിക്കാൻ കഴിഞ്ഞിരുന്നില്ല.
തമിഴകത്തും തിളങ്ങി
മാന്‍ഭൂമിക് മാനവന്‍ എന്ന സിനിമയിലൂടെ നടി തമിഴ് സിനിമയിലേക്കും തുടക്കം കുറിച്ചു. വിജയ് നായകനായി എത്തിയ സിനിമയില്‍ വിജയ് അവതരിപ്പിച്ച ശിവ എന്ന കഥാപാത്രത്തിൻ്റെ സുഹൃത്തായ പ്രിയ എന്ന കഥാപാത്രമായിട്ടായിരുന്നു നടി അഭിനയിച്ചത്. താരം ഇപ്പോഴും തമിഴ് ടെലിവിഷന്‍ സീരിയലുകളില്‍ നിറ സാന്നിദ്ധ്യമാണ്. തമിഴില്‍ അബ്ബാസ് നായകനായെത്തിയ ഇനിയെല്ലാം സുഖമേ എന്ന സിനിമയിലും താരം അഭിനയിച്ചിരുന്നു.
കന്നഡയിലും തിളങ്ങി
ശിവ രാജ് കുമാര്‍ നായകനായ ആന്‍ഡമാന്‍ എന്ന സിനിമയിലൂടെ ശ്രുതി കന്നഡ സിനിമാ ലോകത്തേക്കും അരങ്ങേറി. പിന്നീട് കെജി ജോര്‍ജ് സംവിധാനം ചെയ്ത ഇലവങ്കോട് ദേശം എന്ന സിനിമയിലൂടെയാണ് താരം പിന്നീട് മലയാളത്തിലെത്തിയത്. നന്ദിനി എന്ന കഥാപാത്രത്തെയാണ് ശ്രുതി ഈ സിനിമയില്‍ അവതരിപ്പിച്ചത്. ഉദയപുരം സുല്‍ത്താന്‍ എന്ന സിനിമയിലെ ശ്രുതി രാജ് അവതരിപ്പിച്ച ശ്രീലക്ഷ്മി എന്ന കഥാപാത്രവും ശ്രദ്ധിക്കപ്പെട്ടു.
മലയാളികൾ ഇന്നും ഓർക്കുന്നു
മലയാളി പ്രേക്ഷകർ നടിയെ ഇന്നും ഓർക്കുന്നുണ്ട്. ദോസ്ത് എന്ന ചിത്രത്തിലും ശ്രുതി രാജ് മികച്ച അഭിനയം കാഴ്ച്ച വെച്ചിരുന്നു. ദിലീപും കുഞ്ചാക്കോ ബോബനുമായിരുന്നു ദോസ്തിലെ നായകന്മാർ. പ്രിയം സിനിമയില പ്രിൻസി എന്ന കഥാപാത്രത്തെ പോലെ കുഞ്ചാക്കോ ബോബൻ അവരിപ്പിച്ച നായക കഥാപാത്രത്തെ ശല്യപ്പെടുത്തുന്ന സ്വഭാവത്തിലുള്ള, ചിഞ്ചു എന്ന ഒരു കഥാപാത്രത്തെ തന്നെയായിരുന്നു ദോസ്തില്‍ ശ്രുതി അവതരിപ്പിച്ചത്. അതിനാൽ തന്നെ കുഞ്ചാക്കോ ബോബൻ്റെ പിന്നാലെ നടന്ന് നിരന്തരം ശല്യം ചെയ്ത പെൺകുട്ടി ന്ന ഇമേജും ശ്രുതിയ്ക്ക് മലയാളി സിനിമാപ്രേക്ഷകർക്കിടയിൽ ഉണ്ട്.
സീരിയലിൽ സജീവം
ശ്രുതി രാജ് അവസാനമായി മലയാളത്തില്‍ അഭിനയിച്ചത് വിനയന്‍ സംവിധാനം ചെയ്ത വാര്‍ ആന്‍ഡ് ലൗ എന്ന സിനിമയിലാണ്. ഇപ്പോള്‍ ടെലിവിഷന്‍ സീരിയലുകളിലെ സജീവ താരമാണ് ശ്രുതി. ഇൻസ്റ്റാഗ്രാമിലും താരം വളരെ സജീവമാണ്. നിരവധി ആരാധകരും ശ്രുതിയ്ക്ക് ഉണ്ട്.