തന്നേക്കാൾ ഭാരമുള്ള ടോവിനോയെ പൊക്കി കറക്കിയ നായിക

തന്നേക്കാൾ ഭാരമുള്ള ടോവിനോയെ പൊക്കി കറക്കി ഒരു നായിക. കേരളത്തില്‍ നിന്നുള്ള ഏതെങ്കിലും നായിക ആകുമെന്നാണോ നിങ്ങൾ കരുതുന്നത്. എന്നാല്‍ അല്ല, പഞ്ചാബി നടി വമീഖ ഗബ്ബിയാണ് ടോവിനോയെ എടുത്തുയര്‍ത്തി കറക്കിയത്. ടേവിനോ ആരാധകര്‍ കലിപ്പിക്കല്ലേ, താരത്തിന്‍റെ ഏറ്റവും പുതിയ ചിത്രമായ ഗോദയുടെ ഷൂട്ടിങ്ങിനായാണ് നായിക ഈ സാഹസത്തിന് മുതിര്‍ന്നത്.

ടൊവിനോ തോമസ് കിടിലൻ ഗെറ്റപ്പിലെത്തുന്ന ഗോദ റിലീസിന് തയ്യാറെടുക്കുകയാണ്. കുഞ്ഞിരാമായണത്തിന് ശേഷം ബേസിൽ ജോസഫ് സംവിധാനം ചെയ്യുന്ന ചിത്രമാണിത്. ടോവിനോ, രഞ്ജി പണിക്കർ,വാമിഖ ഗബ്ബി എന്നിവര്‍ ചിത്രത്തില്‍ കിടിലൻ ഗെറ്റപ്പിലാണെത്തുന്നത്. ഗുസ്തി പശ്ചാത്തലത്തിലൊരുക്കിയിരിക്കുന്ന ചിത്രം ഒറ്റപ്പാലം, പഴനി, ചണ്ഡീഗഡ്, പട്ട്യാല, ഡൽഹി എന്നിവിടങ്ങളിലായാണ് ചിത്രീകരണം പൂര്‍ത്തിയാക്കിയത്.

ചിത്രത്തിന്‍റെ മേക്കിങ്ങ് വീഡിയോ പല സീരീസായി അണിയറ പ്രവര്‍ത്തകര്‍ പുറത്തു വിട്ടു കൊണ്ടിരിക്കുകയാണ്. അടുത്തിടെ പുറത്തുവിട്ട ഏറ്റവും പുതിയ വീഡിയോയിലാണ് ചിത്രത്തിലെ നായിക തന്‍റെ കരുത്ത് തെളിയിച്ച കഥ വെളിപ്പെടുത്തിയത്. ടോവിനോയെ പൊക്കാന്‍ പറഞ്ഞപ്പോള്‍ ശ്രമിക്കാമെന്നാണ് താൻ പറഞ്ഞതെന്നും എന്നാല്‍ ടോവിനോയെ എടുത്ത് രണ്ട് റൗണ്ട് കറങ്ങിയപ്പോള്‍ എല്ലാവരും ഷോക്കടിച്ച പോലെയായെന്നും വാമിഖ പറഞ്ഞു. സാധാരണ ഗുസതിയേക്കാള്‍ മഡ് റസലിങ്ങില്‍ പരിക്കേല്‍ക്കാനുള്ള സാധ്യത വളരെ കൂടുതലാണെന്നും ഗോദയുടെ ഷൂട്ടിങ്ങിനിടെ ഇത്തരത്തില്‍ തനിക്കും കുറേ പരിക്കേറ്റിരുന്നെന്നും നടി പറഞ്ഞു.




വിനീത് ശ്രീനിവാസന്‍ ഒരുക്കിയ തിരയുടെ രചയിതാവ് രാകേഷ് മണ്ടോടിയാണ് ഗോദയുടെ തിരക്കഥ രചിച്ചിരിക്കുന്നത്. ഷാന്‍ റഹ്മാനാണ് ചിത്രത്തിലെ ഗാനങ്ങൾക്ക് സംഗീതം പകര്‍ന്നിരിക്കുന്നത്.. ഫോര്‍ എന്‍റെര്‍ടെയ്ന്‍മെന്‍റിന്‍റെ ബാനറില്‍ മുകേഷ് ആര്‍ മെഹ്തയാണ് ചിത്രം നിര്‍മിക്കുന്നത്.

Punjabi Actress wamiqa gabbi relealing story of Godha Shooting

Punjabi Actress wamiqa gabbi relealing interesting stories while Godha, Malayalam Movie Shooting