ചോദ്യം ചെയ്യൽ പൂർത്തിയായി: 'ഞങ്ങൾ നിരപരാധികൾ' എന്ന് നാദിർഷ

കൊച്ചി: സംവിധായകനും നടനുമായ നാദിർഷായുടെ ചോദ്യം ചെയ്യൽ ആലുവ പോലീസ് ക്ലബ്ബിൽ പൂർത്തിയായി.നാലരമണിക്കൂറോളം പ്രത്യേക അന്വേഷണ സംഘം നാദിർഷയെ ചോദ്യം ചെയ്തു. നടി ആക്രമിക്കപ്പെട്ട കേസിലാണ് നാദിർഷയെ ഇന്ന് ചോദ്യം ചെയ്തത്. നേരത്തെ ചോദ്യം ചെയ്യലിനായി നാദിർഷയെ വിളിച്ചു വരുത്തിയിരുന്നെങ്കിലും ദേഹാസ്വാസ്ഥ്യത്തെ തുടർന്ന് വിട്ടയക്കുകയായിരുന്നു.

തനിക്കും ദിലീപിനും പൾസർ സുനിയെ അറിയില്ലെന്നും തങ്ങൾ നിരപരാധികളാണെന്നും നാദിർഷ ചോദ്യം ചെയ്യലിന് ശേഷം മാധ്യമങ്ങളോട് വ്യക്തമാക്കി. പോലീസും കേസും കോടതിയും ഒന്നുമായി നേരത്തെ ഇടപെട്ട് പരിചയമില്ലാത്തത് കൊണ്ടാണ് ശാരീരിക അസ്വസ്ഥകൾ ഉണ്ടാകുന്നതെന്നും നാദിർഷ പറഞ്ഞു. ക്രിമിനൽ ചിന്താഗതി ഇല്ലാത്തത് കൊണ്ടാണ് ഈ സാഹചര്യത്തിൽ പിരിമുറുക്കമുള്ളതെന്നും നാദിർഷ പറഞ്ഞു. പോലീസിനെയും കോടതിയെയും തങ്ങളുടെ നിരപരാധിത്വം ബോധ്യപ്പെടുത്തുമെന്നും നാദിർഷ വ്യക്തമാക്കി.

Questioning completed: We are not criminals, says Nadirsha

Special investigation team completed questioning Nadirsha.