'ചിലർ ദോഷൈകദൃക്കുകളാണ്!, വിമർശന ബുദ്ധി നല്ലതാണ്'; വിവേചനബുദ്ധിയും വേണമെന്ന് രചന നാരായണൻകുട്ടി, വിവാദത്തിൽ പ്രതികരിച്ച് നടി !

തൻ്റെ സോഷ്യൽ മീഡിയയിലൂടെയാണ് രചന നാരായണൻ കുട്ടി ഇപ്പോൾ വിമർശനങ്ങൾക്ക് മറുപടിയുമായി രംഗത്തെത്തിയിരിക്കുന്നത്. രചനയുടെ ഫേസ്ബുക്ക് കുറിപ്പിൻ്റെ പൂർണ്ണ രൂപം ഇങ്ങനെയാണ്. 'ചിലർ അങ്ങനെ ആണ് ദോഷൈകദൃക്കുകൾ! എന്തിനും ഏതിനും തെറ്റ് മാത്രം കാണുന്നവർ. വിമർശന ബുദ്ധി നല്ലതാണ് വേണം താനും...'

'എന്നാൽ ഉചിതമായ കാര്യത്തിനാണോ എന്നൊന്ന് ചിന്തിക്കുന്നതിൽ തെറ്റില്ല... ഇരിക്കാൻ സീറ്റ് കിട്ടിയില്ല എന്നൊരു വ്യാഖ്യാനവുമായി വരുമ്പോൾ അല്ലെങ്കിൽ "ഇരിക്കാൻ വന്നപ്പോഴേക്കും സീറ്റ് കഴിഞ്ഞു പോയി , കഷ്ടം" എന്നൊക്കെ പറയുമ്പോൾ നിങ്ങൾ അധിക്ഷേപിക്കുന്നത്'

'നിങ്ങൾ mysogynists എന്നു ചൂണ്ടികാണിച്ചു വിളിക്കുന്നവരെ അല്ല മറിച്ചു ഒരു fb പോസ്റ്റിലൂടെ നിങ്ങൾ ഇരുത്താൻ ശ്രമിച്ചവരെ ആണ്. Senseless എന്നേ ഈ പ്രകടനത്തെ വിളിക്കാൻ സാധിക്കു . വീണ്ടും വീണ്ടും വീണുടയുന്ന വിഗ്രഹങ്ങൾ നിങ്ങൾ കണ്ടിട്ടുണ്ടാവാം... ഒരിക്കലും വീഴാതെ ഇരിക്കാൻ ആണ് ഞങ്ങളുടെ ശ്രമം ... സഹായിച്ചില്ലെങ്കിലും ഉപദ്രവിക്കരുത് സ്നേഹം രചന നാരായണൻകുട്ടി'

സംഘടനയിലെ ആണുങ്ങള്‍ വേദിയിൽ ഇരിക്കുമ്പോള്‍ നടിമാരായ ഹണിറോസും രചന നാരായണൻ കുട്ടിയും അരികിൽ നിൽക്കുന്ന ചിത്രമാണ് സൈബറിടം വലിയ ചർച്ചയാക്കി മാറ്റിയത്. ‘അമ്മ’ എക്സിക്യൂട്ടിവ് അംഗം കൂടിയായ നടി ഹണി റോസും വിഷയത്തിൽ പ്രതികരിച്ചിരുന്നു.