അജുവിന്‌ പിന്നാലെ പിഷാരടി!
ടൊവിനോ പങ്കുവച്ച ചിത്രവും താരത്തിന്‍റെ മസില്‍ ബോഡിയുമൊക്കെ ആരാധകര്‍ ആഘോഷമാക്കി. പക്ഷെ സഹതാരങ്ങളില്‍ ചിലര്‍ ടൊവിനോയെ ട്രോളിയാണ് സ്വീകരിച്ചത്. ആദ്യം വന്നത് അജു വര്‍ഗ്ഗീസായിരുന്നു. ഇപ്പോഴിതാ രമേശ് പിഷാരടിയുമെത്തിയിരിക്കുകയാണ്.
അജുവിന്റെ ട്രോൾ!
കഴിഞ്ഞ ദിവസം സമാനരീതിയിലായിരുന്നു അജുവിന്‍റെയും ട്രോള്‍. ആരാധകന്‍ വരച്ച തന്‍റെ ചിത്രം പങ്കുവച്ച് ടൊവിനോയോട് ഇതുപോലെ സിക്സ് പാക്കുണ്ടോ എന്നായിരുന്നു അജു ചോദിച്ചത്. അജുവിന്റെ പോസ്റ്റ് സോഷ്യല്‍ മീഡിയയില്‍ വെെറലാവുകയായിരുന്നു.
പിഷാരടിയുടെ രസികൻ ട്രോൾ!
തന്‍റെ രസകരമായൊരു ചിത്രം പങ്കുവച്ചു കൊണ്ടാണ് പിഷാരടിയുടെ ട്രോള്‍. മസില്‍ ബോഡിയുമായി നില്‍ക്കുന്ന പിഷാരടിയെ ഭാവനയില്‍ കണ്ട് ആരാധകരിലൊരാള്‍ വരച്ച ചിത്രമാണ് പിഷാരടി പങ്കുവച്ചത്. പ്ലാന്‍ വരച്ചു ഇനി പണി തുടങ്ങാം എന്നായിരുന്നു പിഷാരടിയുടെ ട്രോള്‍.
മറുപടിയുമായി ടൊവിനോ
പിന്നാലെ മറുപടിയുമായി ടൊവിനോയും എത്തുകയായിരുന്നു. ഇതെന്താ മസില്‍ മാസമോ എല്ലാവര്‍ക്കും സിക്സ് പാക്ക് എന്നായിരുന്നു ടൊവിനോയുടെ പ്രതികരണം. പിഷാരടിയുടെ ട്രോളും ടൊവിനോയുടെ മറുപടിയും ഹിറ്റായി മാറിക്കഴിഞ്ഞു.
മിന്നൽ മുരളി ആകാനുള്ള പെടാപ്പാട്!
സൂപ്പര്‍ ഹീറോ ചിത്രമായ മിന്നല്‍ മുരളിയുടെ തിരക്കിലാണ് ടൊവിനോയിപ്പോള്‍. ചിത്രത്തിനായി കഠിനമായ വര്‍ക്ക് ഔട്ടാണ് താരം നടത്തുന്നത്.