സംഗീത ആരാധകര്‍ക്ക് രമേശ് പിഷാരടിയുടെ കിടിലൻ സര്‍പ്രൈസ്

സംഗീത ആരാധകര്‍ക്ക് കിടിലൻ സര്‍പ്രൈസ് ഒരുക്കി രമേശ് പിഷാരടി. നടനും അവതാരകനുമായി ശ്രദ്ധേയനായ രമേശ് ജയറാമിനെയും കുഞ്ചോക്കോ ബോബനെയും നായകനാക്കി 'പഞ്ചവര്‍ണതത്ത' എന്ന പേരിൽ പുതിയ ചിത്രം സംവിധാനം ചെയുന്നതിന്‍റെ തിരക്കിലാണിപ്പോൾ. ഫെയ്‌സ്ബുക്കിലൂടെ പുതിയ സിനിമയുടെ വിശേഷങ്ങള്‍ രമേഷ് നിരന്തരം ആരാധകരുമായി പങ്കുവെക്കുന്നുമുണ്ട്. ഇതിനോടൊപ്പമാണ് രമേശ് ആരാധകര്‍ക്ക് കിടിലൻ സര്‍പ്രൈസ് ഒരുക്കിയിരിക്കുന്നത്. പഞ്ചവർണതത്തയുടെ പശ്ചാത്തലസംഗീതം ഒരുക്കുന്നതിന്‍റെ ഇടവേളയിൽ ഔസേപ്പച്ചൻ സാറിനോട് അദ്ദേഹത്തിന്‍റെ മനോഹരഗാനങ്ങളെ കുറിച്ച് സംസാരിക്കവേ തോന്നിയ ഒരു കൗതുകമാണ് ഇതെന്നും
നിങ്ങൾക്ക് ഏറ്റവും പ്രിയപ്പെട്ട അദ്ദേഹത്തിന്‍റെ ഒരു ഗാനം കമന്‍റ് ചെയാനുമാണ് പിഷാരടി പറഞ്ഞിരിക്കുന്നത്.


എന്നാൽ എന്താണ് സര്‍പ്രൈസെന്ന് താരം വ്യക്തമാക്കിയിട്ടില്ല. സംഗീത സംവിധായകന്‍ ഔസേപ്പച്ചന്‍റെ ഇഷ്ട ഗാനം തന്‍റെ ഫെയ്‌സ്ബുക്ക് പോസ്റ്റില്‍ കമന്‍റ് ചെയ്താൽ ഒരു സര്‍പ്രൈസ് ഉണ്ടെന്നാണ് താരം പറഞ്ഞിരിക്കുന്നത്. എന്നാൽ എന്താണ് സര്‍പ്രൈസ് എന്ന് അറിയാനുള്ള ആകാംക്ഷയിലാണ് ആരാധകര്‍.