‘എനിക്ക് പൃഥ്വിരാജിനെയും അറിയാം ബിജു മേനോനെയും അറിയാം, നീ ഏതാടാ?’; ചിരി പടർത്തി 'ടൈറ്റിൽ വീരൻ്റെ' പുത്തൻ ചിത്രം!

സൈബറിടത്തെ കിടിലൻ താരമാണ് രമേശ് പിഷാരടി. താരം പങ്കുവെക്കുന്ന ഓരോ ചിത്രങ്ങൾക്കും നൽകുന്ന ക്യാപ്ഷനുകളാണ് ഒരുപക്ഷേ ചിത്രങ്ങളേക്കാൾ ശ്രദ്ധ ആകര്‍ഷിക്കുന്നത്. അത്തരത്തിൽ ഒരു ചിത്രം സോഷ്യൽ മീഡിയയിൽ വീണ്ടും വൈറലാകുകയാണ് ഇപ്പോൾ. രമേശ് പിഷാരടി സോഷ്യല്‍ മീഡിയയില്‍ പങ്കുവെയ്ക്കുന്ന ചിത്രങ്ങള്‍ക്ക് ഇണങ്ങിയ സരസമായ ക്യാപ്ഷനുകൾ നല്‍കുന്നതില്‍ രമേശ് പിഷാരടി വിരുതനാണ്.

Also Read: 'സന്ദീപ് വാര്യർ പറയുന്നത് മനസിലാക്കാം, പക്ഷേ ഈ ഹൈബിക്ക് എന്താ പ്രശ്നം?'; മാലാ പാ‍ര്‍വതി ചോദിക്കുന്നു!

സ്വയം ട്രോളിക്കൊണ്ടുള്ള ക്യാപ്ഷനുകളാണ് പിഷാരടിയുടെ മെയിൻ ഐറ്റം.അയ്യപ്പനും കോശിയും സിനിമയിലൂടെ ഹിറ്റായി മാറിയ നഞ്ചിയമ്മ പൃഥ്വിരാജിനെയും ബിജു മേനോനെയും അറിയില്ല എന്നു പറഞ്ഞുള്ള ഡയലോഗ് സോഷ്യൽ മീഡിയയിൽ ശ്രദ്ധ നേടിയിരുന്നു. അതിനോട് കോര്‍ത്തിണക്കിക്കൊണ്ടാണ് പിഷാരടി ഇപ്പോൾ പങ്കുവെച്ച മറ്റൊരു ചിത്രത്തിൻ്റെ തലക്കെട്ട് നൽകിയിരിക്കുന്നത്.

Also Read: ഹിറ്റ് കോമ്പോ ഇതാ വീണ്ടും എത്തുന്നു; മഞ്ജു വാര്യർ - ബിജു മേനോൻ ചിത്രം 'ലളിതം സുന്ദരം' തുടക്കമായി!

പ്രായമായൊരു സ്ത്രീയോടൊപ്പം സംസാരിച്ചിരിക്കുന്ന ചിത്രം പങ്കുവെച്ച് പിഷാരടി കുറിച്ചത് ‘എനിക്ക് പ്രിഥ്വിരാജ് ആരാണെന്നും അറിയാം, ബിജു മേനോന്‍ ആരാണെന്നും അറിയാം……… നീ ഏതാടാ’ എന്നാണ്. പോസ്റ്റിന് രസകരമായ കമന്റുകളാണ് ആരാധകര്‍ കുറിച്ചിരിക്കുന്നത്.