കുറവുകൾ മറികടന്ന് ജീവിതവിജയം കൈവരിച്ച റാണാ ദഗ്ഗുബട്ടി പകരുന്നത് വലിയ സന്ദേശം

ലോകമൊന്നടങ്കം വാഴ്ത്തിപ്പാടുന്ന ബാഹുബലി 2ൽ പൽവാൾ ദേവന് ജീവൻ പകര്‍ന്ന റാണാ ദഗുബട്ടിയുടെ പ്രകടനം ആരാധക പ്രശംസകൾ ഏറ്റുവാങ്ങി മുന്നേറുകയാണ്. ചിത്രത്തിന് വേണ്ടി റാണ ഏതാണ്ട് 20 കിലോ ശരീര ഭാരം കൂട്ടിയിരുന്നു. തെലുങ്ക് സിനിമ താരം വിക്ടറി വെങ്കിടേഷിന്‍റെ സഹോദരീ പുത്രനാണ് റാണാ. ചലച്ചിത്ര താരമാകുന്നതിനു മുൻപ് റാണാ സ്പെഷ്യൽ എഫക്ട് കോർഡിനേറ്റർ ആയിരുന്നു. 2010 ലാണ് റാണായുടെ ആദ്യ ചിത്രമായ ലീഡർ പുറത്തിറങ്ങുന്നത്. തെലുങ്കു രാഷ്ട്രീയവും മറ്റു അനുബന്ധ സംഭവങ്ങളുമാണ് ആ ചിത്രം പ്രമേയമാക്കിയത്. അന്ന് ആ ചിത്രം ഒരു ട്രെൻഡ് സെറ്റർ കൂടെയായി മാറിയിരുന്നു.

കൂടാതെ റാണ 2011 ൽ, ദം മാരോ ദം എന്ന ചിത്രത്തിലൂടെ ബോളിവുഡില്‍ അരങ്ങേറി. പിന്നീട് പല ചിത്രങ്ങളിലൂടെ ഹിന്ദി, തമിഴ്, തെലുങ്ക്, പ്രേക്ഷകരുടെ പ്രിയപ്പെട്ട നായകനായി മാറുകയായിരുന്നു റാണാ ദഗ്ഗുബട്ടി എന്ന താരം. റാണയെ പറ്റി അധികമാർക്കും അറിയാത്ത ഒരു വസ്തുത കഴിഞ്ഞദിവസം താരം വെളിപ്പെടുത്തി.




ജമിനി ടി വി യിലെ ഒരു പരിപാടിയില്‍ പങ്കെടുക്കവെയാണ് താരം ഈ വിവരം വെളിപ്പെടുത്തിയത്. ഒരു അന്ധയായ സ്ത്രീയെ സഹായിച്ച വിവരം പറയവേയാണ് താരം ഇക്കാര്യം പറഞ്ഞത്. തനിക്ക് ഒരു കണ്ണിനു കാഴ്ച ശക്തി തീരെ ഇല്ലെന്നും തന്‍റെ ഏഴാം വയസിൽ നടന്ന ഒരു അപകടത്തിലാണ് കാഴ്ചശക്തി നഷ്ടമായതെന്നും നടൻ വെളിപ്പെടുത്തി. അപകടം നടന്ന ശേഷം കോറോണൽ ട്രാൻസ്‌പ്ലാന്‍റ് ശസ്തക്രിയക്ക് വിധേയനായിരുന്നെങ്കിലും കാഴ്ച ശക്തി കുറച്ചു മാത്രമേ തിരികെ കിട്ടിയിട്ടുള്ളൂ. തന്‍റെ വലതു കണ്ണായി കാണുന്നത് മറ്റാരുടെയോ കണ്ണാണെന്നും റാണാ വെളിപ്പെടുത്തി. "ഈ ലോകത്ത് എല്ലാവർക്കും പ്രശ്ങ്ങളുണ്ട് ആ പ്രശ്നങ്ങൾ ഒക്കെ മറികടന്നു മുന്നോട്ട് പോകുന്നതാണ് ഏറ്റവും വലിയ വിജയം" റാണ പറഞ്ഞു നിർത്തി.

അവനവന്‍റെ കുറവുകൾ മറച്ചു ജീവിക്കാൻ എല്ലാരും ശ്രമിക്കുന്ന ലോകത്തു റാണ വ്യത്യസ്തനാകുന്നത് ഇങ്ങനെയാണ്. സ്പെഷ്യൽ എഫക്ട് കോർഡിനേറ്ററായി പ്രവര്‍ത്തിക്കുമ്പോൾ കുറവുകൾ മറികടന്ന് സംസ്ഥാന അവാർഡും , ബാഹുബലി പോലെയുള്ള ബ്രഹ്മാണ്ഡ സിനിമയിലെ കൈയടികളും നേടുമ്പോൾ റാണ നമുക്ക് പകര്‍ന്ന് തരുന്നത് വലിയ സന്ദേശമാണ്...

Rana Daggubatti relealing a big truth

Rana Daggubati have only one eye..other eye doesn't work..would u believe??