സണ്ണിയെ കാണാന്‍ എത്തിയവര്‍ക്ക് കൈയടി നൽകൂ: രഞ്ജിനി

സണ്ണി ലിയോൺ കൊച്ചിയെ പ്രണയിച്ചിട്ട് പോയിട്ടും അതിൻ്റെ ഒാളം സൈബർ ലോകത്ത് അവസാനിച്ചിരുന്നില്ല. സണ്ണിയെ കാണാനെത്തിയവരുടെ മാനസികവൈകല്യം പരിശോധിക്കുകയായിരുന്നു സോഷ്യൽ മീഡിയ. എന്നാൽ മലയാളിയുടെ കപട സദാചാരത്തിനെതിരെ മറുപടി നൽകിയിരിക്കുയാണ് അവതാരകയായ രഞ്ജിനി ഹരിദാസ്.

സണ്ണിയെ കാണാന്‍ കൊച്ചിയില്‍ എത്തിയവര്‍ ലൈംഗിക വൈകൃതമായിട്ടുള്ളവരല്ല. അവരെ അഭിനന്ദിക്കുകയാണ് വേണ്ടത്. സമൂഹത്തെ ഭയക്കാതെ സണ്ണിയെ കാണാന്‍ അവര്‍ എത്തിയല്ലോ? അതിന് കൈയടിയാണ് നല്‍കേണ്ടത്. ഇവിടെ ലൈംഗികതയല്ല, ഒരു കൗതുകമാണ് അവര്‍ കണ്ടത്. വന്നവരില്‍ ആണ്‍കുട്ടികളും പെണ്‍കുട്ടികളുമുണ്ടായിരുന്നു. ഇതിനെ ഒരു പുതിയ ചലനമായി കണക്കാക്കണം.’

മുറിക്കുള്ളിലിരുന്ന് സണ്ണിയുടെ പോണ്‍ വീഡിയോ കണ്ട് പുറത്ത് വന്ന് സദാചാരം പ്രസംഗിക്കുന്നതാണ് ഏറ്റവും മോശം. അവര്‍ക്കാണ് ശരിക്കും സ്വഭാവ വൈകല്യമുള്ളതെന്നും രഞ്ജിനി ഒരു ഓണ്‍ലൈന്‍ മാധ്യമത്തോട് പറഞ്ഞു.


Sunny Leone at kochi: ranjini haridas comment on sunny


TV anchor and actress Ranjini Haridas talking about sunny leone kochi visit