ബിഗ് ബോസ് വിട്ട രഞ്ജിനിക്ക് ഇത് പുതിയ മുഖം; കിടിലൻ മേക്കോവറിൽ താരം

'ബിഗ് ബോസ് മലയാളം' റിയാലിറ്റി ഷോയിൽ നിന്ന് പുറത്തായ അവതാരിക രഞ്ജിനി ഹരിദാസിന് പുതിയമുഖം. തന്‍റെ പുത്ത്ൽ കിടിലൻ മേക്കോവര്‍ താരം തന്‍റെ ഇൻസ്റ്റാഗ്രാമിലൂടെയാണ് ആരാധകരുമായി പങ്കുവെച്ചത്. ബിഗ് ബോസിലെത്തിയപ്പോൾ രഞ്ജിനിയുടെ മുടിയുടെ അടിവശം ലൈറ്റ് ബ്ലോണ്ട് നിറമായിരുന്നു ചെയ്ത് സ്റ്റൈൽ ചെയ്തത്. എന്നാൽ റിയാലിറ്റി ഷോ വിട്ടതോടെ താരം മുടി മുറിച്ച് മുടിയ്ക്ക് റെഡ്ഡിഷ് ഡാര്‍ക്ക് ബ്ലോണ്ട് ഷെയ്ഡ് നൽകിയാണ് പുത്തൻ മുഖം സ്വന്തമാക്കിയിരിക്കുന്നത്.


മലയാളം അവതാരികമാരിൽ രഞ്ജിനി ഹെയര്‍ സ്റ്റെലുകൊണ്ടൊക്കെ വേറിട്ടു നിൽക്കാറുണ്ട്. ഒരേ സ്റ്റൈൽ അധികകാലം നിര്‍ത്താത്ത അപൂര്‍വ്വം ചില വ്യക്തികളിൽ ഒരാളുമാണ് രഞ്ജിനി. ബിഗ് ബോസ് സമ്മാനിച്ച വിരസത അകറ്റാനാണോ പുതിയ ലുക്ക് പിടിച്ചതെന്നൊക്കെയാണ് ആരാധകര്‍ ചോദിക്കുന്നത്. പുത്തൽ സ്റ്റൈലുകൾ നമ്മെ റിഫ്രഷാക്കുമെന്ന് രഞ്ജിനി പല അഭിമുഖങ്ങളിലും വ്യക്തമാക്കിയിട്ടുണ്ട്. അതിനാൽ തന്നെ അത്തരമൊരു റിഫ്രഷ്മെൻ്റിനാണ് താരം പുതിയ മുഖം കണ്ടെത്തിയിരിക്കുന്നത് എന്ന് ഇതിലൂടെ വ്യക്തമാണ്.