ദീപികയുടെ വലിയ ഫാൻ
ഞാൻ ദീപികയുടെ വലിയ ഫാൻ ആണ്. ഞാൻ അവരുടെ ഫാൻ ആണെന്ന് അവർക്കും അറിയാം. മലയാളത്തിന്റെ ദീപിക പദുക്കോൺ എന്ന് പറയുന്നത്, മമ്ത മോഹൻദാസ് ആണ്. ഇരുവരെയും മേക്കപ്പ് ചെയ്യുമ്പോൾ നമുക്ക് അത് അറിയാൻ സാധിക്കും. ദീപികയുടെ ചില കട്ടുകൾ ഒക്കെയും മമ്തയിൽ എനിക്ക് കാണാൻ ആയി. പേഴ്സണൽ ഫേവറൈറ്റ് എന്ന് ഒരു ആക്ട്രസിന്റെ പേര് എടുത്തു പറയാൻ സാധിക്കില്ല.
അഭിപ്രായങ്ങൾ ചോദിക്കാറുണ്ട്
മഞ്ജു ചേച്ചിയുമായി ഞാൻ പല കാര്യങ്ങളിലും അഭിപ്രായം ചോദിക്കാറുണ്ട്. പ്രിയാമണിയോടും, രമ്യയോടും എല്ലാവരോടും ഞാൻ അഭിപ്രായങ്ങൾ ചോദിക്കാറുണ്ട്. നൈല ഉഷയോടും നല്ല കൂട്ടാണ്. ദുബായിൽ പോകുന്ന സമയത്ത് ഞാൻ പോയി കാണാറുണ്ടെന്നും വൈറൽ വീഡിയോയിൽ രഞ്ജു പറയുന്നുണ്ട്. പല അഭിപ്രായങ്ങളും അഭിപ്രായ വ്യത്യാസങ്ങളും ഞങ്ങൾക്കിടയിൽ ഉണ്ടാകാറുണ്ട്. കൂടുതൽ വർക്ക് ചെയ്തിട്ടുള്ളത് മമ്തയ്ക്ക് ഒപ്പമാണ്.
മമ്തയോടുള്ള ഇഷ്ടം
എന്റെ ഓരോ ചലനങ്ങളും ഞാൻ പറയാതെ തന്നെ എന്നെ മനസ്സിലാക്കിയിട്ടുള്ളത് മമ്ത ആണ്. ഒരിക്കൽ ഒരു ഷോ ചെയ്യാൻ വന്ന സമയത്ത് പന്ത്രണ്ടുലക്ഷത്തോളം രൂപ ആവശ്യമുണ്ട്. മമ്തയോട് ഒപ്പമുള്ള സമയത്താണ് ഈ സംഭവം. ഷൂട്ട് കഴിഞ്ഞദിവസം ഒരു കവർ എന്റെ കൈയ്യിൽ തന്നു ആവശ്യങ്ങൾ നടത്താൻ പറഞ്ഞു. അന്ന് ദ്വയയുടെ ഷോയ്ക്കുള്ള ഫണ്ട് മമ്തയാണ് ആദ്യമായി തരുന്നത്. പുള്ളിക്കാരിയുമായിട്ടുള്ള ബന്ധം നിർവ്വചിക്കാൻ എനിക്ക് ആകില്ലെന്നും രഞ്ജു പറയുന്നുണ്ട്.
വഴിപാടുകൾ കഴിക്കും
എല്ലാ ദിവസങ്ങളിലും എന്റെ ഫോണിൽ നിന്നും അവസാന മെസേജ് ഭാവനയ്ക്ക് ഉള്ളതാകും. ഏതൊരു അമ്പലത്തിൽ പോയാലും ഞാൻ ഇവരുടെ ഒക്കെ പേരിൽ വഴിപാടുകൾ കഴിക്കാറുണ്ടെന്നും രഞ്ജു പറയുന്നു. അടുത്തിടെ ചോറ്റാനിക്കര പോയ സമയത്ത്, ആ തിരുമേനി എന്നോട് ചോദിക്കുവാ രമ്യ നമ്പീശൻ മകം അല്ലെ, ഭാവനയോട് സന്തോഷം ആയി ഇരിക്കാൻ പറയണം, മമ്തയുടെ ഹെൽത്ത് ഓക്കേ ആയോ എന്നൊക്കെ. തിരുമേനി ഇത് ചോദിച്ചു കേട്ടപ്പോൾ ഒരുപാട് സന്തോഷം ആയി.
ഞാൻ ആണേൽ അയാളെ കൊന്നേനെ
അതിജീവിത എന്നതിനേക്കാൾ ഉപരി, ഞങ്ങൾ തമ്മിൽ ഒരു വലിയ ആത്മബന്ധം ആണുള്ളത്. ആ സംഭവം കേൾക്കുന്ന സമയത്ത് ഈ പ്രതി എന്ന് പറയുന്ന ആളെ കൈയ്യിൽ കിട്ടിയിരുന്നേൽ ഞാൻ കൊല്ലുമായിരുന്നു. അത്രയ്ക്കും ദേഷ്യം ഉണ്ടായിരുന്നു. ഇപ്പോൾ അയാൾ ജയിലിൽ ആണ്. എന്തിന്റെ പേരിൽ ആണെങ്കിലും ഒരു പെൺകുട്ടിയോടും ഇങ്ങനെ ചെയ്യാൻ പാടില്ല. ഞാൻ എന്നും സത്യത്തിന്റെ കൂടെ ആണ്. ഞാൻ ആരെയും പഴി ചാരാൻ നിൽക്കുന്നില്ല. - രഞ്ജു ഐ ക്യാൻ മീഡിയയോട് പറയുന്നു.