മുത്തുപോലൊരു മലയാളസിനിമയാണ് 'തമാശ'യെന്ന് സംവിധായകൻ ആഷിഖ് അബു. തമാശ ഏറെ ഇഷ്ടപ്പെട്ടെന്നും ചിന്നുവിനെയും ശ്രീനിവാസനെയും റഹീമിനേയും സഫിയേയും ബബിതയേയും പോലുള്ള നല്ല കഥാപാത്രങ്ങളെ നൽകിയതിൽ സംവിധായകൻ അഷ്റഫ് ഹംസയ്ക്ക് പെരുത്ത് നന്ദി പറയുന്നുവെന്ന് നടി റിമ കല്ലിങ്കൽ. കഴിഞ്ഞ വർഷം സുഡാനി ആണെങ്കിൽ ഈ വർഷം അത് തമാശയാണ് ധൈര്യമായി പോയി കാണുവെന്ന് നടൻ അജു വര്ഗ്ഗീസ്. വിനയ് ഫോര്ട്ട് നായകനായ തമാശയ്ക്ക് പ്രശംസകളം നൂറുമ്മകളുമായി നിരവധി താരങ്ങളും സാധാരണക്കാരുമെത്തിയിരിക്കുകയാണ്.
തമാശയ്ക്ക് പോലും പറയരുത് തമാശയാണെന്ന് കാണണം കണ്ടിരിക്കണമെന്ന് നടൻ ഇര്ഷാദ് കുറിച്ചിട്ടുണ്ട്. വിനയ് ഫോര്ട്ട് നിങ്ങള് പവര്ഫുള്ളാണ്. തമാശ അടിപൊളി, വിനയിയുടെ മികച്ച വേഷം നല്ല രസമുള്ള ചിത്രമെന്ന് നടൻ ജോജുവും സെൽഫി വീഡിയോ ഇട്ടിരിക്കുകയാണ്.
വളരെ രസമുള്ളൊരു സിനിമ, പ്രായഭേദമില്ലാതെ ഏവരും സംതൃപ്തിപ്പെടുത്തുന്ന നമ്മുടെ ആത്മവിശ്വാസം വര്ദ്ധിപ്പിക്കുന്ന സിനിമയാണ് തമാശയെന്നും തനിക്ക് ഈ സിനിമയുടെ ഭാഗമാകാൻ കഴിയാത്തതിൽ വിഷമമുണ്ടെന്നും നടൻ സൈജു ഗോവിന്ദ കുറിപ്പ് ഫേസ്ബുക്ക് വീഡിയോയിൽ വ്യക്തമാക്കിയിരിക്കുകയാണ്.
തടിച്ചുവല്ലോ എന്ന നാട്ടുകാരുടെ ക്ഷേമ ഔത്സുക്യത്തിന് മുന്നിൽ ആത്മവിശ്വാസത്തിന്റെ ടപ്പേ ബലൂൺ പൊട്ടിത്തീരുന്ന സകലപെണ്ണുങ്ങള്ക്കും പോയി കാണാവുന്ന ചിത്രമെന്ന് ടി.ജി അനിത എന്ന യുവതി ഫേസ്ബുക്കിൽ കുറിച്ചിട്ടുണ്ട്.
ബോഡി ഷെമിങ്ങിനെതിരെയുള്ള ശക്തമായ നിലപാടാണ് സിനിമ പകർന്നുതരുന്നതെന്നും ഓരോ വ്യക്തിയും ഓരോ യൂണിക്ക് പിസ് ആണന്നു നിരന്തരം അത് വിളിച്ചുപറയുന്നു ചിത്രമെന്നും ജീന അൽഫോൻസ് ജോൺ ഫേസ്ബുക്കിൽ കുറിച്ചിരിക്കുകയാണ്.
വളരെ രസമുള്ളൊരു സിനിമ, പ്രായഭേദമില്ലാതെ ഏവരും സംതൃപ്തിപ്പെടുത്തുന്ന നമ്മുടെ ആത്മവിശ്വാസം വര്ദ്ധിപ്പിക്കുന്ന സിനിമയാണ് തമാശയെന്നും തനിക്ക് ഈ സിനിമയുടെ ഭാഗമാകാൻ കഴിയാത്തതിൽ വിഷമമുണ്ടെന്നും നടൻ സൈജു ഗോവിന്ദ കുറിപ്പ് ഫേസ്ബുക്ക് വീഡിയോയിൽ വ്യക്തമാക്കിയിരിക്കുകയാണ്.