Also Read: കമ്മണിക്കുട്ടി അഞ്ചിലേക്ക് കടന്നു; കൺമണിക്ക് സർപ്രൈസ് കൊടുത്ത് റിമിയു൦ മുക്തയു൦; ആശംസകൾ നേർന്ന് ആരാധകരും താരങ്ങളും!
ഹാപ്പിയായി കണ്മണി
റിമി പങ്കുവെക്കാറുള്ള വീഡിയോകളിൽ പലപ്പോഴും മുക്ത എത്താറുണ്ട്. റിമിയുടെ അഭാവത്തിൽ ചാനലിൽ പരിപാടി അവതരിപ്പിക്കാറുള്ളത് മുക്തയുമാണ്. റിമിയും മുക്തയും റിങ്കുവും കുടുംബാംഗങ്ങളുമൊക്കെ ചേർന്ന് മുക്തയുടെയും റിങ്കുവിൻ്റെയും മകളായ കിയാര എന്ന കൺമണിയുടെ അഞ്ചാം പിറന്നാൾ ആഘോഷമാക്കിയിരിക്കുകയാണ്.
വൈറലായി വീഡിയോ
റിമിയെ കൺമണി അഭിസംബോധന ചെയ്യുന്നത് കൊച്ചമ്മ എന്നാണ്. റിമി ഇടയ്ക്കിടെ കൺമണിയും കുട്ടാപ്പിയും ഒക്കെ ചേർന്നുള്ള വീഡിയോകളുമൊക്കെ പങ്കുവെക്കാറുണ്ട്. ഇവരൊക്കെ ചേർന്നുള്ള അവർണ്ണനീയമായ കെമിസ്ട്രിയും പ്രേക്ഷകർക്ക് അറിവുള്ളതാണ്. ഇപ്പോഴിതാ കൺമണിയുടെ പിറന്നാളാഘോഷത്തിൻ്റെ വീഡിയോ ആണ് യൂട്യൂബിൽ വൈറലായിരിക്കുന്നത്.
പിറന്നാളാഘോഷം
കൺമണിയുടെ പിറന്നാളാഘോഷമാക്കാൻ ഒരാഴ്ചയോളം കൃത്യമായ പ്ലാനിങ് നടത്തിയാണ് റിങ്കുവും മുക്തയും ചേർന്ന് ഫ്ലാറ്റ് അലങ്കരിച്ചതെന്ന് റിമി പറയുന്നുണ്ട്. റിമിയും റിങ്കുവും ചേർന്ന് കൺമണിയ്ക്ക് പിറന്നാളിന് സമ്മാനിച്ചത് ഒരു പപ്പിയെയാണ്, വളർത്തുനായ്ക്കളെ വളരെ ഇഷ്ടമുള്ള കൺമണിയ്ക്ക് സർപ്രൈസായി കിട്ടിയ സമ്മാനം വലിയ സന്തോഷത്തിലാക്കിയിരുന്നു.
ആഘോഷമാക്കി കുടുംബം
റിമിയും കുടുംബാംഗങ്ങളുമൊക്കെ മുക്തയുടെയും റിങ്കുവിൻ്റെയും ഫ്ലാറ്റിൽ വെച്ചാണ് പിറന്നാൾ ആഘോഷമാക്കിയത്. റിങ്കുവിൻ്റെയും മുക്തയുടെയും വൈറ്റ് തീം ഫ്ലാറ്റ് നേരത്തേ തന്നെ വൈറലായിരുന്നു. വീടും വീടകങ്ങളുമൊക്കെ റിമി നേരത്തേ തന്നെ പ്രേക്ഷകരുമായി പങ്കുവെച്ചിരുന്നു.