'അഡ്ജസ്റ്റ്‍‍മെൻ്റുകള്‍ക്ക് തയ്യാറല്ലേ'; നമ്പർ പരസ്യമാക്കി സജിത മഠത്തില്‍

തമിഴ് സിനിമയില്‍ അഭിനയിക്കാന്‍ ക്ഷണിച്ചുകൊണ്ടുള്ള ഒരു സഹസംവിധായകൻ്റെ ഫോണ്‍കോളിലെ സംഭാഷണശകലം പുറത്ത് വിട്ട് സജിത കുറിച്ച വാക്കുകൾ സോഷ്യൽ മീഡിയയിൽ വൈറലാകുന്നു. കാര്‍ത്തിക് എന്ന് പേരുള്ള സഹ സംവിധായകൻ്റെ ചോദ്യമാണ് നടി തുറന്ന് കാട്ടിയിരിക്കുന്നത്. പ്രോജക്ട് വിവരങ്ങള്‍ ഇ മെയില്‍ ചെയ്യാന്‍ ആവശ്യപ്പെട്ട തന്നോട് അഡ്ജസ്റ്റ്മൻ്റുകള്‍ക്കും കോബ്രമൈസിനും തയ്യാറല്ലേ എന്ന് സഹസംവിധായകന്‍ ചോദിച്ചെന്ന് സജിത മഠത്തിൽ വെളിപ്പെടുത്തി.

സിനിമാ മേഖലയിൽ നടിമാര്‍ നേരിടുന്ന പ്രശ്നങ്ങൾ മീ ടൂ ക്യാംപെയിനോടെ ഒടുങ്ങിയിട്ടില്ലെന്ന് തുറന്ന് കാട്ടുകയാണ് സജിത. നടിയുടെ ഫേസ്ബുക്ക് കുറിപ്പിൻ്റെ പൂ‍ര്‍ണ രൂപം കാണാം.

തമിഴ്നാട്ടിൽ നിന്ന് ഒരു തമിഴ് സിനിമയുടെ സഹസംവിധായകൻ കാർത്തിക് വിളിക്കുന്നു. ഒരു തമിഴ് പ്രോജക്ടിൽ അഭിനയിക്കാൻ ഉള്ള താൽപര്യം അന്വേഷിക്കുന്നു. ഞാൻ പ്രോജക്ട് വിവരങ്ങൾ ഇ മെയിൽ ചെയ്യാൻ ആവശ്യപ്പെടുന്നു.

ഫോൺ വെക്കുന്നതിനു മുമ്പ് ഒരു കിടു ചോദ്യം.

അഡ്ജസ്റ്റ്മൻ്റുകൾക്കും കോബ്രമൈസിനും തയ്യാറല്ലെ?

ചേട്ടൻ്റെ നമ്പർ താഴെ കൊടുക്കുന്നു.
+91 97914 33384

തയ്യാറുള്ള എല്ലാവരും ചേട്ടനെ വിളിക്കുക.

പിന്നല്ല !