മഞ്ഞുമലയിൽ കത്രീനയെ വരച്ച് സൽമാൻ ഖാൻ

ബ്രേക്കപ്പിനുശേഷം സൽമാൻ ഖാനും കത്രീന കെയ്ഫും ഒരുമിക്കുന്ന ചിത്രമാണ് 'ടൈഗർ സിന്താ ഹെ'. അഞ്ച് വർഷങ്ങൾക്ക് ശേഷം ഇരുവരും ഒരുമിക്കുന്നത് കൊണ്ട് തന്നെ പ്രേക്ഷകരും ആവേശത്തിലാണ്. ചിത്രം റിലീസിനുള്ള അവസാന ഘട്ട ഒരുക്കത്തിലാണ്. ചിത്രത്തിന്‍റെ ട്രെയിലറിന് വൻ വരവേല്പായിരുന്നു ലഭിച്ചത്.

ചിത്രത്തിലെ ഗാനരംഗത്തിൽ നിന്നും പുറത്ത് വന്നിട്ടുള്ള ഒരു ചിത്രമാണ് ഇപ്പോൾ സാമൂഹ്യമാധ്യമങ്ങളിൽ വൈറലാകുന്നത്. ഓസ്ട്രേലിയയിലെ മഞ്ഞുമലയിൽ വരച്ച കത്രീനയുടെ ഛായാചിത്രമാണിത്. 'ദിൽ ദിയാൻ ഗല്ലൻ' എന്ന ഗാനരംഗത്തിലെ ഒരു ദൃശ്യമാണിത്.

Tiger freezes a moment in time, by painting Zoya's portrait on ice❤️ Watch it in #DilDiyanGallan TOMORROW. | @BeingSalmanKhan | #KatrinaKaif | @aliabbaszafar | @yrfmusic | @yrf | #TigerZoya pic.twitter.com/Q9i5IDawpY — #TigerZindaHai (@TigerZindaHai) December 1, 2017
ഓസ്ട്രേലിയയിൽ വച്ചാണ് ഈ ഗാനരംഗം ചിത്രീകരിച്ചത്. കത്രീനയോടുള്ള തന്‍റെ പ്രണയം എത്രത്തോളമുണ്ടെന്ന് കാണിക്കാൻ സൽമാനാണ് ഈ ചിത്രം വരയ്ക്കുന്നത്. ചിത്രത്തിൽ സോയ എന്ന കഥാപാത്രമാണ് കത്രീനയുടേത്. ടൈഗർ എന്ന കഥാപാത്രത്തെയാണ് സൽമാൻ അവതരിപ്പിക്കുന്നത്.



നാളെയാണ് ഈ ഗാന രംഗത്തിന്‍റെ വീഡിയോ പുറത്തിറങ്ങുന്നത്. അതിന് മുന്നോടിയായിട്ടാണ് അണിയറ പ്രവർത്തകർ ഗാനരംഗത്തിലെ ഈ ചിത്രം പുറത്ത് വിട്ടിരിക്കുന്നത്. അലി അബ്ബാസ് സഫർ ആണ് ഈ ചിത്രത്തിന്‍റെ സംവിധായകൻ. ഡിസംബർ 22 ന് ചിത്രം തിയേറ്ററുകളിലെത്തും.