നിന്നെ പറ്റി എഴുതാൻ വരുമ്പോൾ വാക്കുകൾ കുറയുന്നു; താര സുന്ദരിക്ക് ആശംസ അറിയിച്ചുകൊണ്ട് സഹോദരി!

മലയാളികളുടെ സ്വന്തം താര സുന്ദരി. അഖിലിന്റെ ജീവിത നായിക, രുദ്രയുടെയും അഗസ്ത്യന്റെയും സ്നേഹ നിധിയായ അമ്മ. സുനിലിന്റേയും സജ്നയുടെയും മകൾ. അനുജത്തി സംജുക്തയുടെ സ്വന്തം ചേച്ചി. ഇത്രയും ഒക്കെ വിശേഷണങ്ങൾ നൽകിയപ്പോൾ തന്നെ ചിത്രത്തിലുള്ള താര സുന്ദരിയെ വേഗത്തിൽ തന്നെ മലയാള സിനിമ പ്രേക്ഷകർക്ക് മനസിലായി കാണും. 2004 ൽ ലാൽ ജോസ് സംവിധാനം ചെയ്ത രസികൻ എന്ന ചിത്രത്തിലൂടെ അരങ്ങേറ്റം കുറിച്ച താര സുന്ദരി സംവൃത സുനിലിന് ഇന്ന് 34 ആം ജന്മദിനമാണ്.

ALSO READ: ബാല്യവും കൗമാരവും യൗവ്വനവും മാതൃത്വവും കഴിഞ്ഞു ഇനി വാർധക്യം; വിശേഷങ്ങളുമായി 'പെണ്ണാള്‍' സംഘം

നിരവധി താരങ്ങളും ആരാധകരും ആണ് താരത്തിന് പിറന്നാൾ ആശംസ നേർന്നുകൊണ്ട് രംഗത്ത് എത്തുന്നത്. എങ്കിലും തന്റെ സ്വന്തം ചേച്ചികുട്ടിക്ക് അനുജത്തി സംജുക്ത കുറിച്ച പിറന്നാൾ ആശംസ ആണ് ഇപ്പോൾ വൈറൽ ആയി മാറി കൊണ്ടിരിക്കുന്നത്.

"നിന്നെ കുറിച്ച് എന്തൊക്കെയോ, കൂടുതൽ എഴുതണം എന്നുണ്ടായിരുന്നു. അൽപ്പം നീളം ഏറിയ,മനസ്സിനെ സ്പർശിക്കുന്ന എന്തൊക്കെയോ വാക്കുകൾ എഴുതും എന്നാണ് ഞാൻ കരുതിയതും. പക്ഷെ എഴുതാൻ തുടങ്ങിയപ്പോൾ വാക്കുകൾ കുറഞ്ഞു പോകുന്ന പോലെ. ഹാപ്പി ബർത്ത് ഡേ ബേബി. ജനിച്ചതിന് നന്ദി. ഐ ലവ് യൂ", എന്നാണ്, ചേച്ചിക്ക് അനുജത്തിയുടെ വക ആശംസ.

ALSO READ: നിമിഷ സജയനും ലെനയും ആദിൽ ഹുസൈനും ഒന്നിക്കുന്ന 'ഫുട്പ്രിന്റ്സ് ഓൺ വാട്ടർ' ഫസ്റ്റ് ലുക്ക്!

പ്രിയ അനുജത്തിയുടെ ആശംസകൾക്ക് മറുപടിയുമായി സംവൃതയും എത്തി. നന്ദി ബേബി. നിന്നെ ഒരുപാട് മിസ് ചെയ്യുന്നു എന്നാണ് സംവൃത മറുപടി നൽകിയത്. ഇരുവരുടെയും സംഭാഷണങ്ങൾ ഇതിനകം തന്നെ വൈറൽ ആയി കഴിഞ്ഞു.

വിവാഹ ശേഷം അമേരിക്കയിൽ സ്ഥിര താമസമാണ് സംവൃത. എന്നാല്‍ പോയ വര്‍ഷം തിരികെ സിനിമയിലേക്കും ചില ചാനൽ പരിപാടികളിലൂടെ മിനി സ്‌ക്രീനിലേക്കും താരം തിരിച്ചുവരവ് നടത്തിയിരുന്നു.