കാഞ്ചന കസവിട്ട് ഉത്തരാ ഉണ്ണി
ഊര്‍മ്മിള ഉണ്ണിയുടെ ശബ്ദത്തിനൊപ്പമായാണ് ദൃശ്യങ്ങള്‍ ചേര്‍ത്തത്. വിവാഹം കഴിഞ്ഞ് 11 വര്‍ഷത്തിന് ശേഷമായാണ് ഉത്തര പിറക്കുന്നത്. അധികമാരുടേയും മുഖത്ത് നോക്കാത്ത നാണംകുണുങ്ങിയായ കുട്ടിയായിരുന്നു. അവള്‍ പോലുമറിയാതെ അവള്‍ 4 ഡിഗ്രി സ്വന്തമാക്കുകയായിരുന്നു. പേരെടുത്തൊരു നര്‍ത്തകിയുമായി.
കല്യാണത്തെക്കുറിച്ച്
നാട്ടുകാരും വീട്ടുകാരുമെല്ലാം ഉത്തരയുടെ കല്യാണത്തെക്കുറിച്ച് ചോദിച്ചിരുന്നു. എന്നെ നന്നായി അറിയുന്നത് അമ്മയ്ക്കല്ലേ, അമ്മ തന്നെ എനിക്കുള്ള ആളെ കണ്ടുപിടിച്ചാല്‍ മതിയെന്നായിരുന്നു ഉത്തര പറഞ്ഞത്. അവള്‍ ഇത്രത്തോളം വളര്‍ന്നുവെന്നത് അന്നാണ് മനസ്സിലാക്കിയത്. കൊതിച്ചത് പോലെയുള്ളയാളായിരുന്നു. നിതേഷി്‌ന് ഉണ്ണിയേട്ടന്‍ നൂറില്‍ നൂറായിരുന്നു നല്‍കിയത്്. ജനുവരിയിലായിരുന്നു വിവാഹനിശ്ചയം. ഉത്തരയുടെ കാലില്‍ ചിലങ്ക അണിയിച്ചിരുന്നു നിതേഷ്. വിവാഹ ശേഷവും നൃത്തം തുടരാമെന്നുള്ള വാഗ്ദാനമായിരുന്നു അത്.
സംയുക്ത വർമ്മ
വിവാഹത്തിന്റെ തിരക്കുകളായിരുന്നു പിന്നീട്. നിരവധി സ്ഥലങ്ങളില്‍ നിന്നായാണ് സാരിയും മറ്റ് സാധനങ്ങളുമെല്ലാം വാങ്ങിയത്. ആഭരണങ്ങള്‍ മേടിക്കാനായി ചേച്ചിയുടെ മകള്‍ സംയുക്ത വര്‍മ്മയും കൂടെയുണ്ടായിരുന്നു ആഭരണങ്ങള്‍ തിരഞ്ഞെടുക്കാന്‍ അവള്‍ക്ക് പ്രത്യേകമായൊരു കഴിവുണ്ട്. പഴയ മാലകളെല്ലാം മാറ്റി ഉത്തരയ്ക്ക് ഇഷ്ടമുള്ള പുതിയ ആഭരണങ്ങളെടുത്തു. കൊവിലകത്ത് നിന്നും പാരമ്പര്യമായി കിട്ടിയ ആമാടക്കൂട്ടം മാലയായിരുന്നു ഏറ്റവും ഭംഗി. തലമുറകള്‍ കൈമാറി വന്ന മാലയാണത്.
നിർബന്ധമായിരുന്നു
കൂടാതെ കാലില്‍ നാഗത്തളകളും അണിഞ്ഞിരുന്നു. നാഗവഗിയാണ് തോള്‍വളായായി അണിഞ്ഞത്. മഹാലക്ഷ്മിയുടെ നെറ്റിച്ചുട്ടി. അഷ്ടഗണപതി വള, ദശാവതാര വള, ജിമിക്കി പാദസരം എല്ലാം വാങ്ങി. മംഗല്യസൂത്രമായിരുന്നു മറ്റൊരു പ്രത്യേകത. ചുവന്ന മാണിക്യം പതിച്ച താലിക്ക് ഇരുപുറവും രണ്ട് സ്വർ‍ണ്ണച്ചിലങ്ക മണികള്‍ കൂടി കോര്‍ത്തിടണമെന്ന് ഉത്തരയ്ക്ക് നിര്‍ബന്ധമായിരുന്നു. അവളുടെ മനസ്സും ശരീരവും നൃത്തത്തിനായി സമര്‍പ്പിച്ചതാണ്.
കല്യാണക്കത്തും
വാല്‍ക്കണ്ണാടിയിലെ ക്ഷണക്കത്തായിരുന്നു മറ്റൊരു പ്രത്യേകത. എങ്ങും കാണാത്ത മോഡലായിരിക്കണമെന്ന് നിതേഷിനും നിര്‍ബന്ധമുണ്ടായിരുന്നു. ആറന്‍മുള കണ്ണാടി മോഡലില്‍ ഇരുവരുടേയും പേര് കൊത്തി തികച്ചും വ്യത്യസ്തമായാണ് കല്യാണക്കത്ത് തയ്യാറാക്കിയത്. നിതേഷിന് വേണ്ടിയുള്ള വസ്ത്രങ്ങളെല്ലാം തിരഞ്ഞെടുത്തത് ഉത്തരയായിരുന്നു. രണ്ടാളുടെ പിറന്നാളും ഗംഭീരമായി ആഘോഷിച്ചിരുന്നു.
3 ദിവസങ്ങളിലായി
വിവാഹത്തില്‍ പങ്കെടുക്കുന്ന എല്ലാ സ്ത്രീകള്‍ക്കും കൊടുക്കാനായി ബാലരാമപുരത്തുനിന്നാണ് ഞാന്‍ സാരികള്‍ വാങ്ങിയത്. ഭര്‍തൃവീട്ടിലേക്ക് കൊണ്ടുപോവാനുള്ള സാധനങ്ങള്‍ പാക്ക് ചെയ്തത് തലേ ദിവസമായിരുന്നു. വീട്ടിലാകെ സന്തോഷനിമിഷങ്ങളായിരുന്നു. വിവാഹത്തിന് ഒരാഴ്ച മുന്‍പായാണ് പ്രീ വെഡ്ഡിങ് ഷൂട്ട് നടത്തിയത്. വിവാഹം 3 ദിവസങ്ങളിലായി 7 ചടങ്ങുകളാണ് നടത്തിയത്. പങ്കെടുത്തവരാരും മറക്കാനിടയില്ലാത്ത ചടങ്ങുകളായിരുന്നു എല്ലാം.
ദിലീപും കാവ്യ മാധവനും
ഉത്തരയുടെ പട്ടിക്കുട്ടിയെ നല്ലൊരു ഉടുപ്പണിയിച്ച് മഞ്ഞക്കല്യാണത്തിന് നല്‍കിയതായിരുന്നു കൂട്ടുകാരികളുടെ സര്‍പ്രൈസ്. 4ാം തീയതി വൈകിട്ട് നടന്ന ഹല്‍ദി പരിപാടിയില്‍ ദിലീപും കാവ്യ മാധവനുമായിരുന്നു പ്രധാന ആകര്‍ഷണം. ഉത്തരയെ വിവാഹ വേഷത്തില്‍ കാണാനായി തിരക്കായിരുന്നു. ദിവ്യ ഉണ്ണിയുടെ സ്വന്തം ക്ഷേത്രമായ പാലഭദ്ര ക്ഷേത്രത്തില്‍ വെച്ചായിരുന്നു വിവാഹം. ഉത്തരയ്ക്ക് ഏറെ പ്രിയപ്പെട്ട സ്ഥലമാണത്. ഏറ്റവും പുതുമയാര്‍ന്നതായിരുന്നു താലികെട്ടിന്റെ സാരി. മഹാഭാരതത്തിലെ ഉത്തരാസ്വയംവരം കഥയിലെ ഭാഗങ്ങള്‍ വരപ്പിച്ചതാണ്.
സംയുക്ത വര്‍മ്മയും ബിജു മേനോനും
വിവാഹ ചടങ്ങുകളിലെല്ലാം തിളങ്ങിയത് ബിജു മേനോനും സംയുക്ത വര്‍മ്മയും ദക്ഷ് ധാര്‍മ്മിക്കുമായിരുന്നു. സുഹൃത്തുക്കളും ബന്ധുക്കളുമെല്ലാമുണ്ടായിരുന്നുവെങ്കിലും എന്റെ പ്രിയപ്പെട്ട ചേച്ചിയും മകളും ഭര്‍ത്താവും അവരുടെ മകനുമായിരുന്നു ചടങ്ങുകളിലെ എല്ലാം ആകര്‍ഷണമെന്നും ഊര്‍മ്മിള ഉണ്ണി പറയുന്നു.