വര്ഷങ്ങളുടെ പ്രണയം
ഛായാഗ്രാഹകനായ എസ്‌. ശരവണനാണ് സംഗീതയുടെ ഭർത്താവ്. മലപ്പുറം കോട്ടക്കൽ സ്വദേശിയായ മാധവൻ നായരുടെയും പത്മയുടെയും മകളായ സംഗീത ജനിച്ചുവളർന്നത് ചെന്നൈയിലാണ്. ദീർഘനാളത്തെ പ്രണയത്തിനൊടുവിലാണ് സംഗീതയും ശരവണനും ഒന്നായത്. ഇരുവരും തമ്മിൽ പ്രണയം ആയിരുന്നു എന്നത് ഒപ്പം പ്രവർത്തിച്ചവർക്ക് പോലും അറിയാത്ത കാര്യമായിരുന്നുവെന്ന് സംഗീത മുൻപ് പറഞ്ഞിട്ടുണ്ട്.
മോളെ നോക്കാൻ വേണ്ടി വിട്ടുനിന്നു
അഭിനയത്തിൽ താത്പര്യം ഇല്ലെന്നല്ല എനിക്ക് മോൾ ഉണ്ട് അവളുടെ ഒപ്പം കൂടുതൽ സമയം ചിലവിടണം എന്ന് തോന്നി അതാണ് അഭിനയത്തിൽ നിന്നും വിട്ടുനിന്നത്. ഇനി വർക്ക് ചെയ്യില്ല എന്നല്ല. നല്ല പ്രോജക്ടുകൾ വന്നാൽ ഉറപ്പായും വരും. ശ്രീനിവാസൻ സാർ അത്രയും റിക്വെസ്റ്റ് ചെയ്തിട്ടാണ് ആ പടത്തിൽ ഞാൻ അഭിനയിച്ചത്.
ഇപ്പോൾ മലയാളത്തിലേക്ക്
നിറയെ പ്രോജക്ടുകൾ വന്നുകൊണ്ടിരിക്കുന്നു. നല്ല പ്രോജക്ട് ഏതെങ്കിലും വന്നാൽ എടുക്കണം. ഇപ്പോൾ കുടുംബത്തിനാണ് കൂടുതൽ മുൻഗണന എന്ന് സംഗീത മുൻപൊരിക്കൽ പറഞ്ഞിട്ടുണ്ട്. സിനിമയെ കൂടുതൽ അറിയുന്ന ഒരു പങ്കാളി വന്നതാണ് തന്റെ ഭാഗ്യം എന്നാണ് സംഗീതയെക്കുറിച്ച് ശരവണൻ പറഞ്ഞത്. നഗര വാരിധി നടുവിൽ ഞാൻ ആ ചിത്രമിറങ്ങി ഒൻപത് വർഷങ്ങൾക്കു േശഷമാണ് നടി വീണ്ടും മലയാളത്തിലെത്തുന്നത്.
ചാവേറിലൂടെ മടങ്ങിവരവ്
ചാവേറിന്റെ ട്രെയിലർ ലോഞ്ചിനെത്തിയ സംഗീതയുടെ ചിത്രങ്ങളും വിഡിയോകളുമാണ് കഴിഞ്ഞ ദിവസം മുതൽ സമൂഹമാധ്യമങ്ങളിൽ തരംഗം ആയത്.
"ചാവേർ സിനിമയിൽ അഭിനയിക്കാൻ പ്രധാന കാരണം ടിനു പാപ്പച്ചൻ ആണ്. ടിനുവിന്റെ മേക്കിങ് വളരെ ഇഷ്ടമാണ്. അതിൽ ആകർഷിക്കപ്പെട്ടാണ് ചാവേറിലെത്തിയത്", എന്നാണ് സംഗീത കഴിഞ്ഞദിവസം പറഞ്ഞത്.