കൈത്താങ്ങായി 'പെൺനടൻ' രംഗത്ത് എത്തുന്നു

ആലുവ രാജഗിരി ആശുപത്രിയില്‍ ചികിത്സയില്‍ തുടരുന്ന ചെറുകഥാകൃത്തും അക്കാദമി അവാര്‍ഡ് ജേതാവുമായ തോമസ് ജോസഫിൻ്റെ ചികിത്സ സഹായ‍ർത്ഥം പെൺനടൻ നാടകം ഒരുങ്ങുന്നു.

ഏലൂര്‍ സ്വദേശിയായ തോമസ് ജോസഫിനെ പക്ഷാഘാതത്തെത്തുടര്‍ന്നാണ് ആശുപത്രിയില്‍ പ്രവേശിപ്പിച്ചത്. സ്റ്റേജ് ആ‍ർട്ടിസ്റ്റ് സന്തോഷ് കീഴാറ്റൂരിൻ്റെ പെണ്‍നടന്‍ എന്ന ഏകപാത്ര നാടകം നവംബര്‍ ഒന്നിന് വൈകീട്ട് 7 മണിക്ക് കേരളാ ഫൈന്‍ ആര്‍ട്‌സ് ഹാളില്‍ അരങ്ങേറും.

വിക്രമാദിത്യന്‍, എന്നും എപ്പോഴും, ലോഹം, പത്തേമാരി, പുലിമുരുകന്‍, കമ്മാരസംഭവം, ഒടിയന്‍ തുടങ്ങി ഇരുപത്തഞ്ചോളം സിനിമകളിൽ അഭിനയിച്ചിട്ടുള്ള സന്തോഷ് സന്തോഷ് കീഴാറ്റൂര്‍ മികച്ച നടനുള്ള 2006-ലെ സംസ്ഥാന നാടക അവാര്‍ഡ് ജേതാവുമാണ്. രോഗത്തോടു മല്ലിടുന്ന പ്രമുഖ കഥാകൃത്തിനെ സഹായിക്കാന്‍ എല്ലാവരും മുന്നോട്ടു വരണമെന്നും സംഘാടകര്‍ പറഞ്ഞു.