അവഗണിക്കപ്പെടുന്നവര്‍ക്ക് ഒരു കൈത്താങ്ങായി സന്തോഷ് പണ്ഡിറ്റ് എത്തി

അയിത്തവും അവഗണനയും നേരിടുന്ന പാലക്കാട് ഗോവിന്ദാപുരം അംബേദ്കര്‍ കോളനി നിവാസികൾക്ക് കൈത്താങ്ങായി സന്തോഷ് പണ്ഡിറ്റെത്തി. വികസനത്തിന്‍റെയും ജീവിത നിലവാരത്തിന്‍റെയും വിദ്യാഭ്യാസത്തിന്‍റെയും കാര്യത്തില്‍ ഇവിടുത്തെ ജനങ്ങൾ അവഗണന അനുഭവിക്കുന്നതായി താരം ചൂണ്ടിക്കാട്ടി.




ഇവിടുത്തെയാളുകള്‍ വളരെ സാമ്പത്തിക ബുദ്ധിമുട്ട് അനുഭവിക്കുന്നുണ്ടെന്നും ഇവര്‍ ചോര്‍ച്ചയുള്ള വീടുകളിലാണ് ജീവിക്കുന്നതെന്നും താരം പറയുന്നു. തനിക്കു കൂടുതലായി ഒന്നും ചെയ്യുവാന്‍ സാധിച്ചില്ല. കുറച്ചു ദിവസത്തക്കുള്ള ആഹാര സാധനങ്ങളും സ്‌കൂള്‍ കുട്ടികള്‍ക്ക് പുസ്തകവും ഫീസും നല്‍കാന്‍ തനിക്ക് കഴിഞ്ഞു. പ്ലസ്ടുവിന് ശേഷം ഇവിടുത്തെ കുട്ടികള്‍ക്ക് പഠിക്കണമെന്നാഗ്രഹമുണ്ട്. പക്ഷെ പണമില്ലാത്തതിനാല്‍ പറ്റുന്നില്ല. താന്‍ അംബാനിയുടെ മകനൊന്നുമല്ല. പക്ഷെ തനിക്ക് എന്തെങ്കിലും ചെയ്യാന്‍ സാധിക്കുമെന്നും അതുപോലെ നിങ്ങളും മുന്നോട്ട് വരണമെന്നും സന്തോഷ് പണ്ഡിറ്റ് ആവശ്യപ്പെടുന്നു. ഇവിടുത്തെ കുട്ടികളെ പഠിപ്പിക്കുവാന്‍ സ്‌പോണ്‍സര്‍മാരെ കണ്ടെത്താമെന്ന് താൻ വാക്കു നൽകിയിട്ടുണ്ട്. കുറച്ചു ആഴ്ചകൾക്ക് ശേഷം വീണ്ടും കൂടുതല്‍ സഹായങ്ങളുമായ് എത്താനും താൻ ആലോചിക്കുന്നുണ്ടെന്ന് താരം അറിയിച്ചു.

Santhosh Pandit helped people in govindapuram colony

Actor Santhosh Pandit helped people in govindapuram colony as he informed last day