നടി റിമ കല്ലിങ്കലിനെയും സംവിധായകൻ ആഷിഖ് അബുവിനെയും പ്രശംസിച്ച് എഴുത്തുകാരി ശാരദക്കുട്ടി രംഗത്ത്. തൻ്റെ ഫേസ്ബുക്ക് അക്കൗണ്ടിൽ കൂടിയാണ് ശാരദക്കുട്ടി ഇരുവരെയും പ്രകീര്ത്തിച്ചത്. മലയാളത്തില് തൻ്റേടവും കഴിവുമുള്ള നടികളുടെയും അവരെ ആദരിക്കാനറിയാവുന്ന സംവിധായകരുടെയും കാലമാണ് ഇനിയെന്ന് ശാരദക്കുട്ടി അഭിപ്രായപ്പെട്ടു. റിലീസിന് തയ്യാറെടുക്കുന്ന വൈറസിലെ റിമ കല്ലിങ്കൽ അവതരിപ്പിക്കുന്ന കഥാപാത്രത്തിൻ്റെ പോസ്റ്റര് കഴിഞ്ഞദിവസം പുറത്ത് വിട്ടിരുന്നു. ഈ പോസ്റ്റര് പങ്കുവെച്ചു കൊണ്ടാണ് ശാരദക്കുട്ടി ഇരുവരെയും പ്രകീര്ത്തിച്ചുകൊണ്ട് കുറിപ്പിട്ടത്. നിപ വൈറസ് ബാധക്കാലത്ത് മരിച്ച നേഴ്സ് ലിനിയുടെ കഥാപാത്രത്തെയാണ് റിമ കല്ലിങ്കൽ അവതരിപ്പിക്കുന്നത്.
ശാരദക്കുട്ടിയുടെ ഫേസ്ബുക്ക് കുറിപ്പിൻ്റെ പൂര്ണ രൂപം
‘മലയാളത്തില് തൻ്റേടവും കഴിവുമുള്ള നടികളുടെ, അവരെ ആദരിക്കാനറിയാവുന്ന സംവിധായകരുടെ കാലമാണിനി. ഓരോ സിനിമയും പോയ കാലം സ്ത്രീകളോടു ചെയ്ത അനീതിക്കുള്ള പ്രായശ്ചിത്തവുമാണ്. ഷീല, ശാരദ, ജയഭാരതി, സീമ കാലത്തിനു ശേഷം അഭിനേത്രികള് സിനിമയെ സ്വന്തം ചുമലില് ഏറ്റുന്ന കാഴ്ച.’
ശാരദക്കുട്ടിയുടെ ഫേസ്ബുക്ക് കുറിപ്പിൻ്റെ പൂര്ണ രൂപം
‘മലയാളത്തില് തൻ്റേടവും കഴിവുമുള്ള നടികളുടെ, അവരെ ആദരിക്കാനറിയാവുന്ന സംവിധായകരുടെ കാലമാണിനി. ഓരോ സിനിമയും പോയ കാലം സ്ത്രീകളോടു ചെയ്ത അനീതിക്കുള്ള പ്രായശ്ചിത്തവുമാണ്. ഷീല, ശാരദ, ജയഭാരതി, സീമ കാലത്തിനു ശേഷം അഭിനേത്രികള് സിനിമയെ സ്വന്തം ചുമലില് ഏറ്റുന്ന കാഴ്ച.’