'രക്ഷപ്പെടാൻ മഞ്ജു രണ്ടാം തവണയും ശ്രമിച്ചുവെങ്കിൽ അവരെ അഭിനന്ദിക്കണം': ശാരദക്കുട്ടി

സ്നേഹബന്ധങ്ങൾ ഒരു പ്രത്യേക ഘട്ടം കഴിയുമ്പോൾ കഴുത്തിൽ കുരുക്കിട്ടു മുറുക്കിത്തുടങ്ങുന്ന അവസ്ഥ വന്നാൽ ശ്വാസം മുട്ടിക്കുമെന്നു തിരിച്ചറിഞ്ഞാൽ അതിൽ നിന്ന് എങ്ങനെയും രക്ഷപ്പെടുവാനും ശ്രമിക്കുന്നത് വിവേചന ശക്തിയുടെ, ബുദ്ധിശക്തിയുടെ, അതിജീവനത്തിന്‍റെ ലക്ഷണമാണെന്ന് എഴുത്തുകാരി എസ്.ശാരദക്കുട്ടി. മഞ്ജു വാര്യർ രണ്ടാം തവണയും രക്ഷപ്പെടുവാൻ സ്വയം ശ്രമിച്ചുവെങ്കിൽ, അതിനവർക്കു കഴിയുന്നുവെങ്കിൽ അവരെ അഭിനന്ദിക്കുകയാണ് വേണ്ടതെന്നും അവർ ഫേസ്ബുക്കിൽ കുറിച്ചിരിക്കുകയാണ്.

Also Read: മഞ്‍ജു വാര്യരുടെ പരാതിയിൽ സംവിധായകൻ ശ്രീകുമാർ മേനോനെതിരെ കേസെടുത്തു


Also Read: 'ശ്രീമാൻ ശ്രീകുമാർ, അടിമ-ഉടമ സമ്പ്രദായമൊക്കെ പോയത് താങ്കൾ അറിഞ്ഞില്ലേ': വിധു

അതിന് മഞ്ജു തിരഞ്ഞെടുക്കുന്നത് ഏതു വഴിയായാലും അതിനൊരു നീതീകരണമുണ്ടെന്നും ശാരദക്ടുക്കി കുറിച്ചിരിക്കുകായണ്. രക്ഷകന്മാരുടെ അവകാശവാദങ്ങളെ ഭയക്കാതെ, സ്നേഹത്തിന്‍റേയും കടപ്പാടിന്‍റേയും കാണാച്ചരട് കഴുത്തിൽ കുരുങ്ങിക്കുരുങ്ങി മുറുകി ശ്വാസം മുട്ടിച്ചത്താൽ മാത്രം കിട്ടുന്ന ആ സത്പേരിന് മോഹിക്കുന്നില്ലെന്നത് ഒരു സ്ത്രീയെങ്കിൽ ഒരു സ്ത്രീ തെളിയിക്കട്ടെയെന്നും അവര്‍ വ്യക്തമാക്കിയിരിക്കുകയാണ്.

Also Read: മഞ്ജു-ശ്രീകുമാർ കൂട്ടുകെട്ട്; ഇണങ്ങിയും പിണങ്ങിയും നീങ്ങിയ സൗഹൃദം

അവരുടെ പ്രത്യേക അവകാശങ്ങള്‍ അവരെ അതിന് സഹായിക്കുന്നുവെങ്കിൽ സഹായിക്കട്ടെയെന്നും അവർ എങ്ങനെയോ അങ്ങനെ ജീവിക്കട്ടെ. സ്വർഗ്ഗത്തിലേക്കോ നരകത്തിലേക്കോ നൃത്തം ചെയ്തു കടന്നു പോകട്ടെയെന്നും ശാരദക്കുട്ടിയുടെ കുറിപ്പിൽ പറഞ്ഞിട്ടുണ്ട്.