സഹോദരനെപ്പോലെയാണ്
സുരേഷിനെ സഹോദരനെപ്പോലെയായാണ് താന്‍ കാണുന്നതെന്നായിരുന്നു ഷാജി കൈലാസ് പറഞ്ഞത്. സുരേഷ് ഗോപിയെ സൂപ്പര്‍താരമാക്കിയതില്‍ വലിയ പങ്ക് വഹിച്ചിട്ടുള്ളയാളാണ് ഷാജി കൈലാസ്. സിനിമയെക്കുറിച്ച് ആലോചിക്കുമ്പോള്‍ത്തന്നെ മനസിലേക്ക് സുരേഷിന്റെ മുഖം വരാറുണ്ട്. അദ്ദേഹത്തെ ഒരു ആര്‍ടിസ്റ്റായി ഞാന്‍ കണ്ടിട്ടില്ല. എന്തും വിളിച്ച് പറയാവുന്ന സുഹൃത്ത് അല്ലെങ്കില്‍ സഹോദരന്‍, അതാണ് ഞങ്ങള്‍ തമ്മിലുള്ള ബന്ധം.
വിളിച്ച് പറയാറുണ്ട്
എടാ ഇന്ന ദിവസമാണ് ഷൂട്ടെന്ന് വിളിച്ച് പറയാനുള്ള സ്വാതന്ത്ര്യവും എനിക്കുണ്ട്. അതങ്ങനെ ആയി വന്നതാണ്. പോലീസ് ഓഫീസറുടെ വേഷത്തിലായിരുന്നു ഞാന്‍ ആദ്യം കാണുമ്പോള്‍ സുരേഷ് ഗോപി. ഞങ്ങളിരിക്കുന്ന റൂമിലേക്ക് അദ്ദേഹം പോലീസ് വേഷത്തിലാണ് കയറി വന്നത്. കൊള്ളാമല്ലോയെന്നായിരുന്നു ആ രൂപം കണ്ടപ്പോള്‍ എനിക്ക് തോന്നിയത്. നല്ലൊരു ഫിഗറാണല്ലോ എന്ന് തോന്നിയിരുന്നു. അന്ന് തുടങ്ങിയ സൗഹൃദമാണ്.
പ്രവചിച്ചു
അദ്ദേഹം സൂപ്പര്‍സ്റ്റാറായി വന്നിരിക്കുമെന്ന് അന്ന് ഞാന്‍ രാജീവ് അഞ്ചലിനോട് പറഞ്ഞിരുന്നു. അതെങ്ങനെ ഷാജിക്ക് മനസിലായെന്നായിരുന്നു രാജീവിന്റെ ചോദ്യം. എനിക്കങ്ങനെ തോന്നി, മലയാള സിനിമയില്‍ ഒരുപാട് കാര്യങ്ങള്‍ അദ്ദേഹത്തിന് ചെയ്യാനുണ്ട്. എന്റെ ആദ്യ സിനിമയില്‍ ഞാന്‍ നായകനാക്കിയത് സുരേഷ് ഗോപിയായിരുന്നു. ന്യൂസ് എന്ന ആ ചിത്രത്തിന് തിരക്കഥയൊരുക്കിയത് ജഗദീഷായിരുന്നു. ഞങ്ങളൊന്നിച്ച് പോയാണ് അദ്ദേഹത്തെ കണ്ടത്.
ആനി പറഞ്ഞത്
ന്യൂസിന് ശേഷം തലസ്ഥാനം, മാഫിയ, ഏകല്യവന്‍, രുദ്രാക്ഷം അങ്ങനെ ഒത്തിരി സിനിമകള്‍ ചെയ്തിട്ടുണ്ട്. സുരേഷ് ഗോപിക്കൊപ്പം ഞാന്‍ ആദ്യമായി അഭിനയിച്ചത് രുദ്രാക്ഷത്തിലാണ്. ഫോണ്‍ ചെയ്യുമ്പോള്‍ ശംഭോ മഹാദേവ എന്ന് പറയുന്നയാളാണ് ഞാന്‍. ഞാനൊരു ശിവഭക്തനാണ്, അത് രഞ്ജിത്തിന് അറിയാം. അങ്ങനെയാണ് ക്യാരക്ടറുകളിലെല്ലാം ശിവന്റെ സാന്നിധ്യം വരുന്നത്. ഷാജി കൈലാസും സുരേഷ് ഗോപിയുമാണല്ലോ എന്ന തരത്തില്‍ എനിക്ക് പേടിയുണ്ടായിരുന്നു രുദ്രാക്ഷത്തിന്റെ സമയത്ത്. എന്നാല്‍ സെറ്റിലെത്തിയതിന് എല്ലാവരും നല്ല സപ്പോര്‍ട്ടീവായിരുന്നുവെന്നും അങ്ങനെയാണ് പേടി മാറിയതെന്നും ആനി പറഞ്ഞത്.