ചിലതെല്ലാം നമുക്ക് മാത്രമായി പിറവിയെടുത്തതാവുമ്പോള്‍ ആഘോഷിക്കാതിരിക്കുന്നതെങ്ങനെ! ചാന്ദിനിയുടെ പിറന്നാള്‍ ദിനത്തില്‍ ഷാജു ശ്രീധര്‍ കുറിച്ചത്?

പ്രണയിച്ച് വിവാഹിതരായവരാണ് ഷാജുവും ചാന്ദിനിയും. എതിര്‍പ്പുകളെ നേരിട്ടായിരുന്നു ഇരുവരും ഒന്നിച്ചത്. വിവാഹശേഷമായി നൃത്തവിദ്യാലയവുമായി സജീവമാവുകയായിരുന്നു ചാന്ദിനി. ഇവരുടെ മക്കളും ഇതിനകം തന്നെ സിനിമയില്‍ സാന്നിധ്യം അറിയിച്ചവരാണ്. അഭിനയത്തില്‍ സജീവമല്ലെങ്കിലും ചാനല്‍ പരിപാടികളിലേക്കൊക്കെ ചാന്ദിനി എത്താറുണ്ട്. പിറന്നാള്‍ ദിനത്തില്‍ ഭാര്യയ്ക്ക് ആശംസ അറിയിച്ചുള്ള ഷാജുവിന്റെ കുറിപ്പ് വൈറലായിക്കൊണ്ടിരിക്കുകയാണിപ്പോള്‍. ഇന്ന് പ്രിയപ്പെട്ടവളുടെ ജന്മദിനം. ചിലതെല്ലാം നമുക്ക് മാത്രമായി പിറവിയെടുത്തതാവുമ്പോള്‍ ആഘോഷിക്കാതിരിക്കുവതെങ്ങനെയെന്നായിരുന്നു ഷാജുവിന്റെ ചോദ്യം. താരങ്ങളും ആരാധകരുമൊക്കെയായി നിരവധി പേരാണ് ചിത്രത്തിന് താഴെയായി കമന്റുകളുമായെത്തിയത്.
ചാന്ദിനിയുമായുള്ള പ്രണയത്തെക്കുറിച്ചും വിവാഹത്തെക്കുറിച്ചുമുള്ള ഷാജുവിന്റെ തുറന്നുപറച്ചില്‍ നേരത്തെ വൈറലായിരുന്നു. കോട്ടപ്പുറത്തെ കൂട്ടുകുടുംബമെന്ന ചിത്രത്തിനിടയില്‍ വെച്ചായിരുന്നു ഷാജുവും ചാന്ദിനിയും ആദ്യമായി കണ്ടുമുട്ടിയത്. കൂളിങ് ഗ്ലാസൊക്കെ വെച്ചായിരുന്നു ഷാജു സെറ്റിലേക്കെത്തിയത്. അന്ന് പരിചയപ്പെട്ടിരുന്നു. പിന്നീട് നിരവധി സിനിമകളിലും സീരിയലുകളിലുമൊക്കെ ഒരുമിച്ച് അഭിനയിച്ച് തുടങ്ങിയതോടെയാണ് പ്രണയത്തിലായി മാറിയത്.
പ്രണയത്തെക്കുറിച്ച് വീട്ടിലുള്ളവരും അറിഞ്ഞതോടെയാണ് ഒളിച്ചോടിയത്. ലാന്‍ഡ് ഫോണിലൂടെയായി സ്ഥിരമായി സംസാരിക്കുമായിരുന്നു. ഈ ബന്ധം അവസാനിപ്പിക്കണമെന്നായിരുന്നു അവര്‍ പറഞ്ഞത്. അതിന് ശേഷമായാണ് ഒളിച്ചോടിപ്പോയി കല്യാണം കഴിച്ചത്. വീട്ടുകാരെ ഭയന്നാണ് രജിസ്ട്രര്‍ വിവാഹം നടത്തിയതെങ്കിലും പിറ്റേന്ന് തന്നെ ഇരുവീട്ടുകാരും തങ്ങളെ സ്വീകരിച്ചുവെന്നും ഷാജു പറഞ്ഞിരുന്നു. മോഹന്‍ലാലിനെപ്പോലെയുണ്ടെന്ന കമന്റുകള്‍ നേരത്തെ കേട്ടിരുന്നു. ശബ്ദത്തിലെ സാമ്യത്തെക്കുറിച്ച് പറഞ്ഞ് ചില വേഷം മാറിപ്പോയിട്ടുണ്ടെന്നും ഷാജു പറഞ്ഞിരുന്നു. ആദ്യമൊക്കെ അദ്ദേഹത്തിന്റെ ശബ്ദം വരുമായിരുന്നുവെന്നും പിന്നീട് അത് മാറ്റുകയായിരുന്നുവെന്നും അദ്ദേഹം വ്യക്തമാക്കിയിരുന്നു.