സത്താറിന്‍റെ അവസാനകാലത്ത് കൂട്ടായിരുന്നത് രണ്ടാം ഭാര്യയാണെന്ന് സഹോദരൻ

കഴിഞ്ഞ ദിവസം അന്തരിച്ച സത്താറിന്‍റെ അവസാനകാലത്ത് അദ്ദേഹത്തോടൊപ്പം കൂട്ടായി ഉണ്ടായിരുന്നത് കൊടുങ്ങല്ലൂർ മൂന്നുപീടികക്കാരി രണ്ടാം ഭാര്യയാണെന്ന് ഇവരുടെ സഹോദരൻ ഷമീര്‍ ഒറ്റത്തൈക്കൽ. സിനിമയുടെ തിളക്കങ്ങൾ മങ്ങിയകാലത്ത് ചങ്ക് കൊടുത്ത് കൂടെ നിന്ന അവർ മരണ ആവശ്യങ്ങളിൽ നിന്നും പിൻതള്ളപെടതിരിക്കട്ടെയെന്നും ഷമീര്‍ കുറിച്ചിരിക്കുകയാണ്. സത്താര്‍ മരിച്ച ദിവസമാണ് ഷാര്‍ജയിൽ ജോലി ചെയ്യുന്ന ഷമീര്‍ ഫേസ്ബുക്കിൽ ഇത് കുറിച്ചിരിക്കുന്നത്. സത്താറിന്‍റെ രണ്ടാം വിവാഹത്തിന്‍റെ ചിത്രം സഹിതമാണ് ഷമീറിന്‍റെ പോസ്റ്റ്.

ഷമീറിന്‍റെ ഫേസ്ബുക്ക് പോസ്റ്റ് വായിക്കാം :

''വിട !!

സത്താർ എന്ന നടന്‍റെ അവസാനകാലത്ത്
കൂട്ടായി ഉണ്ടായിരുന്നത് അയാളുടെ കൊടുങ്ങല്ലൂർ
മൂന്നുപീടികക്കാരി ഭാര്യയാണ്. സിനിമയുടെ തിളക്കങ്ങൾ മങ്ങിയകാലത്ത് ചങ്ക് കൊടുത്ത്
കൂടെ നിന്ന അവർ മരണ ആവശ്യങ്ങളിൽ നിന്നും
പിൻതള്ളപെടതിരിക്കട്ടെ..

ചിത്രം വിചിത്രം ! ''

Also Read: സത്താറിന്‍റെ ഓര്‍മ്മയിൽ മകൻ ക്രിഷിന്‍റെ കുറിപ്പ്

സത്താറിന്‍റെ മുന്‍ ഭാര്യയായിരുന്ന ജയഭാരതിയും മകനും അദ്ദേഹത്തിന്‍റെ രണ്ടാം ഭാര്യയായ നസീം ബീനയെ സത്താറില്‍ നിന്ന് അകറ്റാന്‍ ശ്രമിച്ചതായും ഷാര്‍ജയില്‍ ജോലി ചെയ്യുന്ന ഷമീര്‍ ഒരു മാധ്യമത്തോട് വെളിപ്പെടുത്തിയിട്ടുണ്ട്.

Also Read: പ്രേംനസീര്‍ സിനിമയുടെ കാസ്റ്റിങ്ങ് കോൾ മാറ്റിമറിച്ച ജീവിതം

വിധവയായിരുന്ന കൊടുങ്ങല്ലൂര്‍ മൂന്നുപീടിക സ്വദേശിനി നസീം ബീനയെ കയ്പമംഗലം കാക്കാതുരുത്തി ബദര്‍ പള്ളിയില്‍ വച്ച്‌ 2011 സെപ്റ്റംബര്‍ എട്ടിനാണ് മതപരമായ ചടങ്ങിലൂടെ സത്താര്‍ ജീവിതത്തിന്‍റെ ഭാഗമാക്കിയതെന്നും തുടര്‍ന്ന് കുറേക്കാലം നസീം ബീനയുടെ വീട്ടിലാണ് സത്താര്‍ താമസിച്ചിരുന്നതെന്നും ഇയാള്‍ മാധ്യമങ്ങളോട് വെളിപ്പെടുത്തിയിട്ടുണ്ട്.