'ഇതാ നിങ്ങള്‍ ചോദിച്ച ആ ചിത്ര'മെന്ന് ശോഭന

വര്‍ഷങ്ങളായി പലരും ചോദിച്ച ഒരു ചോദ്യത്തിനുള്ള ഉത്തരമായി ഒരു ചിത്രം പങ്കുവച്ചിരിക്കുകയാണ് നടി ശോഭന. ഇതുവരെ വൈകിയതിലുള്ള ക്ഷമാപണവും അവർ ഫേസ്ബുക്കിൽ നടത്തിയിട്ടുണ്ട്. നിങ്ങള്‍ ചോദിച്ച ആ ചിത്രമിതാ എന്നുപറഞ്ഞാണ് ശോഭന, താനും മോഹൻലാലും ഒരുമിച്ചുള്ള ചിത്രം ഫേസ്ബുക്കിൽ പങ്കുവച്ചിരിക്കുന്നത്.

എൺപതുകളിലെ സിനിമാസുഹൃത്തുക്കളൊരുമിച്ചുകൊണ്ട് നടത്താറുള്ള സംഗമത്തിൽ നിന്നാണ് ഇരുവരും ചേര്‍ന്നുള്ള സെൽഫി. ജയറാം, ശരത്കുമാര്‍, ജാക്കി ഷ്രോഫ്, അര്‍ജ്ജുൻ, സുമൻ, സുഹാസിനി, മേനക, അംബിക, രാധ തുടങ്ങി നിരവധി താരങ്ങള്‍ ഈ സംഗമത്തിനായെത്തിയിരുന്നു.


മിക്ക വര്‍ഷങ്ങളിലും എൺപതുകളിൽ സിനിമാലോകത്ത് സജീവമായിരുന്ന ഈ താരങ്ങള്‍ ഒരുമിക്കുന്ന സംഗമം സംഘടിപ്പിക്കാറുണ്ട്. സുഹാസിനിയും ശോഭനയുമാണ് സംഘാടകര്‍. സംഗമത്തിനായി മോഹൻലാൽ 80's എന്ന ത്രിഡി പ്രിന്‍ഡ് ഉള്ള ഷര്‍ട്ടിട്ട് എത്തിയത് സാമൂഹ്യമാധ്യമങ്ങളിൽ ഏറെ വൈറലായിരുന്നു. എൺപതുകളിലും തൊണ്ണൂറുകളിലും ലാൽ-ശോഭന താരജോഡികള്‍ ഒരുമിച്ച നിരവധി ചിത്രങ്ങള്‍ ഏറെ ജനശ്രദ്ധനേടിയിട്ടുണ്ട്.