ലളിതം, സുന്ദരം... ; ഷംന കാസിമിന്‍റെ ഫോട്ടോഷൂട്ട് കണ്ട് മതിവരാതെ ആരാധകര്‍
നടി ഷംന കാസിം സോഷ്യല്‍ മീഡിയയിലൂടെ പങ്കുവച്ച തന്‍റെ ഏറ്റവും പുതിയ ഫോട്ടോഷൂട്ടില്‍ നിന്നുമുള്ള ചിത്രങ്ങള്‍ ആരാധകര്‍ ഏറ്റെടുത്തിരിക്കുകയാണ്. മനോഹരമായ സാരിയണിഞ്ഞാണ് ഷംന ഫോട്ടോയിലെത്തുന്നത്. ലളിതം സുന്ദരമെന്നാണ് ഷംനയുടെ ഫോട്ടോകള്‍ക്ക് ആരാധകര്‍ നല്‍കുന്ന കമന്‍റ്.
വിവിധ ഭാഷകളിലെ താരം
മലയാളത്തിലൂടെ തുടങ്ങി തമിഴിലും തെലുങ്കിലുമെല്ലാം നിരവധി ചിത്രങ്ങളുടെ ഭാഗമായ താരമാണ് ഷംന കാസിം. തമിഴില്‍ പൂര്‍ണ എന്ന പേരിലാണ് ഷംന അറിയപ്പെടുന്നത്.
അവസാന ചിത്രം
അവസാനമായി ഷംന കാസിം അഭിനയിച്ച മലയാള ചിത്രം മാര്‍ക്കോണി മത്തായിയാണ്. ചിത്രത്തില്‍ ട്രീസ എന്ന കഥാപാത്രമായാണ് ഷംന എത്തിയത്. തമിഴ് ചിത്രം കാപ്പാനിലും ഷംന അഭിനയിച്ചിരുന്നു.
അരങ്ങേറ്റം
2004 ല്‍ മഞ്ഞു പോലൊരു പെണ്‍കുട്ടി എന്ന ചിത്രത്തിലൂടെയായിരുന്നു ഷംനയുടെ അരങ്ങേറ്റം. ചിത്രത്തില്‍ ധന്യ എന്ന കഥാപാത്രത്തെയാണ് അവതരിപ്പിച്ചത്. പിന്നീട് ചെറിയ റോളുകളിലൂടെ ശ്രദ്ധ നേടുകയായിരുന്നു.
സിനിമയോളം നൃത്തത്തേയും സ്നേഹിക്കുന്നു
സിനിമയോളം തന്നെ ഷംന നൃത്തത്തേയും സ്നേഹിക്കുന്നുണ്ട്. ഇപ്പോഴും താരം വേദികളിലെ സ്ഥിര സാന്നിധ്യമാണ്. തന്‍റെ നൃത്തപരിപാടകളില്‍ നിന്നുമുള്ള ചിത്രങ്ങള്‍ ഷംന സോഷ്യല്‍ മീഡിയയിലൂടെ ആരാധകരുമായി പങ്കുവയ്ക്കാറുണ്ട്.
2020 ലേക്ക്
മലയാളത്തില്‍ ഇനി പുറത്തിറങ്ങാനുള്ള ചിത്രം വൃതമാണ്. തമിഴിലും കന്നഡയിലും തെലുങ്കിലും ചിത്രങ്ങള്‍ ഷംനയുടേതായി ഈ വര്‍ഷം പുറത്തിറങ്ങാനുണ്ട്.