അതാണോ പ്രധാനപ്പെട്ടത്? അഹാന കൃഷ്ണയുടെ വിവാഹത്തെക്കുറിച്ചുള്ള ചോദ്യത്തിന് സിന്ധു കൃഷ്ണയുടെ മാസ് മറുപടി

മക്കളുടെ കാര്യങ്ങളും വീട്ടുവിശേഷങ്ങളും കൃഷ്ണകുമാറിനെക്കുറിച്ചുമെല്ലാം സിന്ധു കൃഷ്ണ സജീവമാണ്. യൂട്യൂബ് ചാനലിലൂടെ പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. ഇപ്പോഴിതാ പുതിയൊരു ക്യുആന്‍ഡ്എ വീഡിയോയുമായെത്തിയിരിക്കുകയാണ് സിന്ധു കൃഷ്ണ. അമ്മുവിനൊപ്പം ഞാന്‍ കൊച്ചിയിലാണ്. ഇവിടെ നിന്നൊരു വീഡിയോ ചെയ്യാമെന്ന് കരുതി. ഇന്‍സ്റ്റയില്‍ ക്യുഎ യെക്കുറിച്ച് ഇട്ടിരുന്നു. യൂട്യൂബിലും ചോദ്യങ്ങള്‍ ഇടാനായി പറയാമെന്നായിരുന്നു അമ്മു പറഞ്ഞത്. അതാവുമ്പോള്‍ യൂട്യൂബ് സബ്‌സക്രബേഴ്‌സിന് തന്നെ ചോദിക്കാമല്ലോ. അതിലെ കുറച്ച് ചോദ്യങ്ങള്‍ക്ക് മറുപടി തരാമെന്നായിരുന്നു സിന്ധു പറഞ്ഞത്.
അഹാന ചേച്ചിയുടെ കല്യാണം എപ്പോഴാണെന്നായിരുന്നു ഒരാള്‍ ചോദിച്ചത്. എല്ലാവരും എന്താണോ ഇങ്ങനെ ചോദിക്കുന്നത്. ഒരു പെണ്‍കുട്ടിക്ക് 24 വയസൊക്കെ കഴിഞ്ഞാല്‍ കല്യാണമായോ എന്നാണ് എല്ലാവരും ചോദിക്കുക. അതങ്ങെയായിപ്പോയി നാട്ടുനടപ്പ്. ഹായ്, ഹൗ ആര്‍യു ചോദിക്കുന്ന പോലെ മോളുടെ കല്യാണമായില്ലേ എന്നായി ചോദ്യം. അതുപോലെ കല്യാണം കഴിഞ്ഞാല്‍ കുഞ്ഞായില്ലേ എന്നാവും ചോദ്യം.
Also Watch:
അഹാനയുടെ കല്യാണം എന്തായാലും നിങ്ങളെല്ലാം അറിയും. ഞാനറിയുന്ന അതേ സമയത്ത് നിങ്ങളും അറിയും. അഹാനയുടെ മുടിയെക്കുറിച്ചുള്ള ചോദ്യങ്ങളുമുണ്ടായിരുന്നു. അതിന് കാരണം ഞാനും കിച്ചുവുമാണ്. ഞങ്ങള്‍ക്ക് സ്ട്രയ്റ്റ് ഹെയര്‍ ഭയങ്കര ഇഷ്ടമാണ്. ഹെല്‍ത്തി ഡയറ്റ് നിലനിര്‍ത്തുന്നയാളാണ് അമ്മു. അതുപോലെ മുടിയില്‍ അനാവശ്യ പരീക്ഷണങ്ങളൊന്നും നടത്താറുമില്ല. കളര്‍ ചെയ്യാനോ മോഡേണ്‍ കട്ട് ചെയ്യാനോ ഒന്നും അവള്‍ തയ്യാറല്ല. അതൊക്കെ കൊണ്ടാണ് അവളുടെ മുടി ഇപ്പോഴും നല്ല ഭംഗിയായി ഇരിക്കുന്നതെന്നായിരുന്നു സിന്ധു പറഞ്ഞത്. പൊതുവെ ഏത് ഭക്ഷണമായാലും എതിര്‍പ്പ് പറയാതെ കഴിക്കുന്നയാളാണ് അഹാന. പച്ചക്കറി കഴിക്കാനൊന്നും മടിയില്ല. കുട്ടിക്കാലത്തേ അവള്‍ അങ്ങനെയാണ്. മറ്റുള്ളവരൊന്നും അങ്ങനെയല്ല. അവര്‍ എനിക്കത് വേണ്ട, ഇതുവേണ്ട എന്നൊക്കെ പറയാറുണ്ട്.