എനിക്കെന്താണ് സംഭവിച്ചതെന്ന് നോക്കൂ! വര്‍ക്കൗട്ട് ചിത്രങ്ങളുമായി അമൃത സുരേഷ്! കമന്റുമായി അഭിരാമിയും

കുറച്ച് കലോറി കളഞ്ഞാല്‍ ഇതുപോലെ പുഞ്ചിരിക്കാനാവുമെന്ന ക്യാപ്ഷനോടെയായാണ് അമൃത വര്‍ക്കൗട്ട് ചിത്രങ്ങള്‍ പങ്കുവെച്ചത്. എല്ലാവര്‍ക്കും നല്ലൊരു ദിവസം ആശംസിക്കുന്നുവെന്നും അമൃത കുറിച്ചിരുന്നു. നിരവധി പേരായിരുന്നു ചിത്രത്തിന് താഴെ കമന്റുകളുമായെത്തിയത്.നൈസ് എന്ന കമന്റുമായി ആദ്യമെത്തിയത് അഭിരാമി സുരേഷായിരുന്നു. എങ്ങനെയാണ് വര്‍ക്കൗട്ട് ചെയ്യുന്നത് എന്നുകൂടി കാണിക്കാമായിരുന്നുവെന്ന കമന്റുകളുമുണ്ട്.

സംഗീത കുടുംബത്തിലാണ് ജീവിച്ചത്. വര്‍ഷങ്ങള്‍ക്ക് ശേഷം അങ്ങനെയൊരു കുടുംബത്തിലേക്ക് തിരിച്ചുകയറി. പാട്ടിനെക്കുറിച്ചുള്ള സംശയങ്ങളെല്ലാം അദ്ദേഹത്തോട് ചോദിക്കാനാവുന്നുണ്ട്. ഇപ്പോഴത്തെ ജീവിതത്തില്‍ സമാധാനവും സന്തോഷവുമുണ്ടെന്നും അമൃത സുരേഷ് പറഞ്ഞിരുന്നു. ഗോപി സുന്ദറുമായി ഒന്നിച്ച് സ്റ്റേജ് ഷോയിലും മ്യൂസിക് ആല്‍ബത്തിലുമെല്ലാം അമൃതയുമുണ്ടായിരുന്നു. പാട്ടും സ്റ്റേജ് ഷോകളുമെല്ലാം ഒന്നിച്ചും അല്ലാതെയുമൊക്കെയായി ചെയ്യാനുള്ള പ്ലാനിലാണ് ഞങ്ങളെന്നും ഇരുവരും പറഞ്ഞിരുന്നു.

ഗോപി സുന്ദറിനോട് ചേര്‍ന്നു നിന്നുള്ള ഫോട്ടോ പോസ്റ്റ് ചെയ്തായിരുന്നു അമൃത പ്രണയം പരസ്യമാക്കിയത്. ഞങ്ങളൊന്നിച്ചുവെന്നും കൊച്ചിയിലും ഹൈദരാബാദിലുമായി കഴിയാനാണ് പ്ലാനെന്നും ഗോപി സുന്ദറും പറഞ്ഞിരുന്നു. പിന്നീടങ്ങോട്ടുള്ള ഇവരുടെ വിശേഷങ്ങളെല്ലാം വൈറലായിരുന്നു. മകളോട് ഇതേക്കുറിച്ച് പറഞ്ഞിരുന്നുവെന്നും അവള്‍ക്ക് പ്രശനങ്ങളൊന്നുമില്ലായിരുന്നുവെന്നും അമൃത പറഞ്ഞിരുന്നു.

മനോഹരമായ പ്രണയകഥയാണ് ഞങ്ങളുടേത്. എന്നാല്‍ അത് ഞങ്ങളുടെ മനസില്‍ തന്നെയിരിക്കട്ടെയെന്നായിരുന്നു ലവ് സ്റ്റോറിയെക്കുറിച്ച് ഗോപി സുന്ദര്‍ പറഞ്ഞത്. ഞങ്ങളുടെ പ്രണയം സ്വഭാവികമായി സംഭവിക്കുകയായിരുന്നു. പാപു എന്നെ അങ്കോണ്ട എന്നാണ് വിളിക്കുന്നത്. അവളുമായി നല്ല കമ്പനിയാണ്. സ്‌നേഹം പിടിച്ച് വാങ്ങാനൊന്നുമായി താനൊന്നും ചെയ്തില്ലെന്നും ഗോപി സുന്ദര്‍ വ്യക്തമാക്കിയിരുന്നു.