പേസ് മേക്കറുമായി നാലാം വർ‍ഷം; ജീവിച്ചിരിക്കുന്നത് തന്നെ ഭാഗ്യമെന്ന് ഹരീഷ് ശിവരാമകൃഷ്ണൻ

തോൾ എല്ലിന് താഴെ നെഞ്ചിൻ കുഴിയിൽ ഒരു ഗോദ്‍റെജിന്‍റെ പൂട്ടോളം വലിപ്പമുള്ള പേസ് മേക്കറുമായി ഇത് നാലാം വർഷം. ജീവിച്ചിരിക്കുന്നത് തന്നെ ആണ് ഒരു മനുഷ്യന് ലഭിക്കാവുന്ന ഏറ്റവും വലിയ ഭാഗ്യം എന്ന തിരിച്ചറിവിന്‍റെ നാലാം വാർഷികവും, ഹരീഷ് കുറിച്ചിരിക്കുകയാണ്.

ആധുനിക വൈദ്യ ശാസ്ത്രത്തിനും, ഡോക്ടർമാർക്കും ഒരുപാട് നന്ദി, സ്നേഹം. കൂടെ നിന്ന കുടുംബത്തിനോട് ഒരുപാട് ഒരുപാട് സ്നേഹം. മോർ പവർ ടു മീ.കൂളിംഗ് ഗ്ലാസ്‌ വിട്ടു ഒരു കളിയും ഇല്ല. കണ്ണുപൊട്ടൻ ആണോ ഷേട്ടാ എന്ന ചോദ്യം നിരോധിച്ചിരിക്കുന്നു. എന്ന് കുറിച്ചുകൊണ്ട് ഒരു ചിത്രവും ഹരീഷ് പങ്കുവെച്ചിരിക്കുകയാണ്.

Also Watch: 'അന്നും ഇന്നും ഒരേ സ്വഭാവം,അതുതന്നെ ആണ് ജോജുചേട്ടന്റെ പ്രത്യേകതയും' ആശംസയുമായി സാധിക!

കര്‍ണാടക സംഗീതത്തിനൊപ്പം സിനിമാഗാനങ്ങളും നാടന്‍പാട്ടുകളും അദ്ദേഹത്തിന്‍റെ ബാൻഡായ ‘അകം' വേദികളിൽ പത്തു വർഷത്തിലേറെയായി ആരാധകരെ നേടിക്കൊണ്ടിരിക്കുകയാണ്. നിരവധി സിനിമകളിലും ഇതിനകം അദ്ദേഹം പിന്നണി പാടിയിട്ടുണ്ട്.

ഷൊർണൂർ സ്വദേശിയാണ് ഹരീഷ്, ബാംഗ്ലൂരിൽ ക്രെഡ് എന്ന സ്റ്റാർട്ടപ്പ് കമ്പനിയും അദ്ദേഹം നടത്തുന്നുണ്ട്. കെമിക്കൽ എൻജിനീയറിങ് പൂര്‍ത്തിയാക്കിയ അദ്ദേഹം അഡോബി, സ്‌നാപ്‌ഡീൽ, ഗൂഗിൾ എന്നിവിടങ്ങളിൽ ജോലി ചെയ്തിട്ടുള്ളയാള്‍ കൂടിയാണ്.