സിത്താര മലയാളികളുടെ പ്രിയപ്പെട്ട ഗായികയാണ്. അതുപോലെ തന്നെ സിത്താരയുടെ മകളും. അമ്മയും മകളുമൊത്തുള്ള വീഡിയോകളൊക്കെ ആരാധകരുമായി സിത്താര പങ്കുവയ്ക്കാറുണ്ട്. ഇപ്പോഴിതാ സിത്താര പങ്കുവച്ച പുതിയ വീഡിയോയും ആരാധകര് ഏറ്റെടുത്തിരിക്കുകയാണ്.
മനോഹരമായ വീഡിയോയില് സിത്താരയെ പാട്ടു പഠിപ്പിക്കുകയാണ് മകള് സാവന് ഋതു. ''കുഞ്ഞി കെെ ചുരുട്ടി ഒരെണ്ണം വന്നത് തക്കസമയത്ത് തടുത്തതുകൊണ്ട് രക്ഷപ്പെട്ടു. കാര്യായിട്ട് ഒരു കാര്യം പഠിപ്പിക്കുമ്പോള് തമാശകളിച്ചാല് ആര്ക്കായാലും ദേഷ്യം വരും. സ്വാഭാവികം'' എന്നാണ് വീഡിയോ പങ്കുവച്ചു കൊണ്ട് സിത്താര കുറിച്ചിരിക്കുന്നത്.
മുത്തശ്ശി എന്ന ചിത്രത്തിലെ പമ്പയാറിന് പനിനീര്ക്കടവില് എന്ന് തുടങ്ങുന്ന പാട്ടാണ് സിത്താരയെ മകള് പഠിപ്പിക്കുന്നത്. ക്യൂട്ട് വീഡിയോയും അമ്മയുടേയും മകളുടേയും പാട്ടും സോഷ്യല് മീഡിയയില് ഇതിനോടകം തന്നെ വെെറലായി മാറിയിരിക്കുകയാണ്.
Also Read:പൂക്കള്ക്കിടയിലെ സ്വപ്നസുന്ദരി; വെെറലായി സാനിയയുടെ ഫോട്ടോഷൂട്ട്
ഇതിന് മുമ്പും സിത്താരയും മകളും ഇതുപോലെ ആരാധകരുടെ മനസില് തൊട്ടിട്ടുണ്ട്. ഉയരെയിലെ നീ മുകിലോ, മധുരരാജയിലെ മോഹമുന്തിരി തുടങ്ങി പാട്ടുകള് ഇരുവരും പാടുകയും സോഷ്യല് മീഡിയയിലൂടെ അതിന്റെ വീഡിയോയും പങ്കുവയ്ക്കുകയും ചെയ്തിട്ടുണ്ട്. ആ വീഡിയോകളും ആരാധകര് ആഘോഷമാക്കുകയായിരുന്നു.