അടുത്ത വര്‍ഷം ലോകം കാണുമെന്ന് വൈക്കം വിജയലക്ഷ്മി

അടുത്ത വര്‍ഷമാകുകുമ്പോഴേക്ക് ലോകം കാണുമെന്ന് ഗായിക വിജയലക്ഷ്മി. 'അടുത്ത വര്‍ഷം ലോകം കണ്ടിരിക്കും. രണ്ട് വര്‍ഷത്തിനുള്ളില്‍ അമേരിക്കയില്‍ പുതിയ ചികിത്സാരീതിയൊക്കെ വരുന്നുണ്ട്. കഴിഞ്ഞ വര്‍ഷം അമേരിക്കയില്‍ പോയി ഡോക്ടറുമായി സംസാരിച്ചിരുന്നു. ഇപ്പോ നല്ല മാറ്റമുണ്ട്. ഈ വെളിച്ചമൊക്കെ കാണാം,' വിജയലക്ഷ്മി പറഞ്ഞു.

പ്രതിശ്രുത വരന്‍ അനൂപ് നല്ലമനസ്സിൻ്റെ ഉടമയാണെന്ന് വിജയലക്ഷ് മി പറഞ്ഞു. നല്ല പെരുമാറ്റമാണ്. ഞങ്ങള്‍ തമ്മില്‍ നല്ല മനപ്പൊരുത്തമാണ്, ഒരേ സ്വഭാവക്കാരുമാണ്, പാട്ടും തമാശയുമൊക്കെ അദ്ദേഹത്തിന് ഇഷ്ടമാണ് വിജയലക്ഷ്മി കൂട്ടിച്ചേര്‍ത്തു. ഒക്ടോബര്‍ 22 നാണ് ഇരുവരുടേയും വിവാഹം.