'ഒരുപാടു വൈകിപ്പോയി: ഓ സാരമില്ല എങ്കിലും കല്യാണത്തിന് സമ്മതിച്ചല്ലോ' ബാല രണ്ടാം വിവാഹത്തെ കുറിച്ച് പറഞ്ഞപ്പോൾ ആരാധകരുടെ പ്രതികരണം!

നടന്‍ ബാലയ്ക്ക് ഡോക്ടറേറ്റ് ലഭിച്ചത്. റോയല്‍ അമേരിക്കന്‍ യൂണിവേഴ്‌സിറ്റിയാണ് ബാലയെ ഹോണററി ഡോക്ടറേറ്റ് നല്‍കി ആദരിക്കുന്നത്.ദക്ഷിണേന്ത്യയിൽ നിന്നും ഈ അംഗീകാരം നേടുന്ന ആദ്യ സിനിമാതാരമാണ് ബാല. ആക്ടര്‍ ബാല ചാരിറ്റബിള്‍ ട്രസ്റ്റ് എന്ന പേരില്‍ സംഘടന രൂപീകരിച്ച് നിരവധി ജീവകാരുണ്യ പ്രവര്‍ത്തനങ്ങളാണ് ബാല നേരിട്ട് നടത്തിവരുന്നത്. നിരവധിപ്പേര്‍ക്ക് ചികിത്സാസഹായങ്ങളും താരം നല്‍കുന്നുണ്ട്.

അടുത്തിടെയാണ് തന്റെ വിവാഹത്തെ കുറിച്ച് ബാല മനസ് തുറന്നത്. തന്റെ യൂട്യൂബ് ചാനലിലൂടെയായിരുന്നു ബാല മനസ് തുറന്നത്. ഡോക്ടര്‍ മോണ്‍സണുമായി സംസാരിക്കുകയായിരുന്നു ബാല. ഇനിയും എന്തിനാണ് ബാച്ചിലറായ ജീവിക്കുന്നതെന്ന ചോദ്യത്തിന് മറുപടി നല്‍കുകയായിരുന്നു ബാല. അതേസമയം മാധ്യമ പ്രവർത്തകരുടെ ചോദ്യത്തിനും ബാല മറുപടി നൽകുകയുണ്ടായി.

വിവാഹത്തെക്കുറിച്ച് ചോദിക്കുമ്പോൾ പലപ്പോഴും ഒഴിഞ്ഞുമാറുന്ന ബാല അത് ദൈവത്തിന്റെ കൈയ്യിലാണെന്ന് പലപ്പോഴായി മറുപടി നൽകിയിട്ടുണ്ട്. വിവാഹം നടന്നേക്കും. അത് നിങ്ങളെയെല്ലാം അറിയിക്കും. അന്തസ്സായിട്ട് തന്നെ വിവാഹം നടത്തും. വിവാഹ ആലോചനകളൊക്കെ വരുന്നുണ്ട്. ആദ്യ വിവാഹം പരാജയമായതിന്റെ പേടിയുണ്ട് എന്നും താരം പറഞ്ഞിട്ടുണ്ട്.

എറണാകുളം പ്രസ് ക്ലബ്ബിൽ എത്തിയപ്പോഴാണ് രണ്ടാം വിവാഹത്തെ കുറിച്ച് മാധ്യമങ്ങളോട് ബാല സംസാരിച്ചത്. അങ്ങനെ എന്തെങ്കിലും ഉണ്ടാവുകയാണെങ്കിൽ നിങ്ങളെ അറിയിച്ചിട്ടേ ചെയ്യുകയുള്ളൂ. പേടിക്കേണ്ടത് ഞാനാണ് എന്നും അദ്ദേഹം പറയുകയുണ്ടായി. കേരളത്തിൽ വെച്ചായിരിക്കുമോ വിവാഹം എന്ന ഒരു മാധ്യമപ്രവർത്തകന്‍റെ ചോദ്യം അദ്ദേഹം കേട്ടത് കെയര്‍ഫുള്ളായിട്ടായിരിക്കുമോ എന്നായിരുന്നു. അതിന് കേരളത്തിലാണെങ്കിലും പുറത്താണെങ്കിലും എവിടെ വെച്ചായാലും കെയര്‍ഫുള്ളായിട്ടായിരിക്കും എന്നാണ് ബാല മറുപടി നൽകിയത്.

ബാലയുടെ വിവാഹം സോഷ്യൽ മീഡിയ പലപ്പോഴും ചർച്ച ചെയ്തിട്ടുള്ള കാര്യമാണ്. ഇപ്പോൾ വീണ്ടും ബാലയുടെ രണ്ടാം വിവാഹ വാർത്തയെകുറിച്ചുള്ളചർച്ചകൾ ആണ് സോഷ്യൽ മീഡിയ വഴി നടന്നതും. ഇത്തിരി നേരത്തെ ആകാമായിരുന്നു. ഓ സാരമില്ല ഇപ്പോഴെങ്കിലും വിവാഹത്തിന് സമ്മതിച്ചല്ലോ എന്നാണ് ബാലയോടായി ആരാധകർ പറയുന്നത്.