മുസ്ലിം പണ്ഡിതന്‍റെ വെല്ലുവിളി: സോനു നിഗം ലൈവായി തലമുടി വടിച്ചു

മുംബൈ: മുസ്ലിം പണ്ഡിതന്‍റെ വെല്ലുവിളി സ്വയം സ്വീകരിച്ച് ബോളിവുഡ് ഗായകന്‍ സോനു നിഗം ലൈവായി തലമുടി വടിച്ചു. തന്‍റെ മുടിവെട്ടുന്നവര്‍ക്ക് മുസ്ലീം പുരോഹിതൻ പത്തു ലക്ഷം രൂപ ഇനാം പ്രഖ്യാപിച്ചിരുന്നു. തല സ്വയം മുണ്ഡനം ചെയ്താണ് സോനു ഇതിന് മറുപടി നൽകിയത്.

എന്നാല്‍ ഇത് വെല്ലുവിളിയോ നിഷേധാത്മകതയോ അല്ലെന്ന് സോനു പ്രതികരിച്ചു. ഇത് പ്രതീകാത്മകമായ നടപടി മാത്രമാണെന്നും അദ്ദേഹം വ്യക്തമാക്കി. അഭിപ്രായ സ്വാതന്ത്ര്യം എല്ലാവര്‍ക്കുമുണ്ടെന്നും മതത്തിന്‍റെ പേരിലുള്ള ഗുണ്ടായിസമാണ് ഉച്ചഭാഷിണി ഉപയോഗമെന്നും സോനു വ്യക്തമാക്കി. താന്‍ ഒരു മത വിഭാഗത്തിന്‍റെയും ഭാഗമല്ല എന്നും ഇടതുപക്ഷമോ വലതുപക്ഷമോ അല്ലെന്നും സോനു അറിയിച്ചു.



മുസ്ലീം പള്ളിയിലെ ഉച്ചഭാഷിണികളിലുള്ള ബാങ്ക് വിളികളെ സോനു വിമര്‍ശിച്ച്‌ ട്വീറ്റ് ചെയ്തിരുന്നു. ഇതിന്‍റെ പേരില്‍ രൂക്ഷമായ വിമര്‍ശനവും സോനു നേരിട്ടിരുന്നു. ഇതിനെ തുടര്‍ന്ന് സോനുവിന്‍റെ മുടി മുറിച്ച്‌ കഴുത്തില്‍ ചെരുപ്പുമാല അണിയിച്ച്‌ രാജ്യം ചുറ്റിക്കുന്നവര്‍ക്ക് പത്തുലക്ഷം രൂപ തന്‍റെ കയ്യില്‍ നിന്ന് എടുത്തുനല്‍കുമെന്ന് ബംഗാളിലെ ന്യുനപക്ഷ യുണൈറ്റഡ് കൗണ്‍സില്‍ വൈസ് പ്രസിഡന്‍റായ സയ്ദ് ഷാ അലി അല്‍ ഖൗദേറി ഫത്ത്വ പുറപ്പെടുവിച്ചിരുന്നു.



എന്നാല്‍ പത്തു ലക്ഷം തയ്യാറാക്കി വച്ചോളൂ.. താന്‍ മുടി മുറിക്കാന്‍ പോകുകയാണെന്ന് സോനു രാവിലെ ട്വീറ്റ് ചെയ്ത ശേഷമാണ് മാധ്യമങ്ങൾക്ക് മുന്നില്‍ വെച്ച് സോനു തലമുടി വടിച്ചത്.




Sonu Nigam shaves off his head, insists that he’s not anti-Muslim

Sonu Nigam, who created a storm with his tweets on the use of loudspeakers in morning prayers at mosques, addressed the media at his house to clear his stand over the issue. The singer also invited celebrity hairstylist Aalim Hakim to cut his hair, in response to a West Bengal cleric's fatwa offering Rs 10 lakhs to shave off Sonu's head.