അവര് പ്രണയത്തിലാണ്
ജയറാമും പാര്വതിയും പ്രണയത്തിലാണോയെന്നറിയാനായി എല്ലാവരും നോക്കുന്ന കാലമായിരുന്നു അത്. അവര് പ്രണയത്തിലാണെന്നും അധികം വൈകാതെ വിവാഹിതരാവാന് സാധ്യതയുണ്ടെന്നുമൊക്കെയുള്ള റിപ്പോര്ട്ടുകളും പ്രചരിച്ചിരുന്നു. തലയണമന്ത്രത്തില് ഭാര്യാഭര്ത്താക്കന്മാരായാണ് ഞങ്ങൾ അഭിനയിക്കുന്നത്. ഇവര് സെറ്റിലേക്ക് വരുമ്പോള് എങ്ങനെയാണന്നൊക്കെ ആളുകള് വാച്ച് ചെയ്യുന്നുമുണ്ടായിരുന്നു. പ്രണയം കണ്ടുപിടിക്കാനായി ചില സി ഐഡികളൊക്കെ കറങ്ങി നടക്കുന്നുണ്ടായിരുന്നു.
സത്യന്റെ വാക്കുകൾ
ജയറാമും പാര്വതിയും കഠിനമായ പ്രണയത്തിലാണെന്നായിരുന്നു സത്യന് അന്തിക്കാട് പറഞ്ഞതെന്നും ശ്രീനിവാസന് പറയുന്നുണ്ട്. ഒന്നും കണ്ടില്ല, അവര് തമ്മില് ഒന്നും സംസാരിക്കുന്നുമില്ല. അതില് നിന്നാണ് എനിക്ക് മനസ്സിലായത് അവര് തമ്മില് ഗാഢമായ പ്രണയത്തിലാണെന്ന്. ആരെങ്കിലും കണ്ടുപിടിക്കുമെന്നുള്ളത് കൊണ്ട് ബദ്ധശത്രുക്കളെപ്പോലയാണ് അവരുടെ പെരുമാറ്റം. അവര് ക്യാമറയ്ക്ക് വെളിയില് മിണ്ടുന്നേയില്ല.
അവസാന രംഗത്തിൽ
വടക്കുനോക്കിയന്ത്രത്തിന്റെ ക്ലൈമാക്സ് ചിത്രീകരണത്തിനിടയിലെ കാര്യത്തെക്കുറിച്ചും ശ്രീനിവാസന് പറഞ്ഞിരുന്നു. അസുഖം മാറിയതിന് ശേഷം പാര്വതിയെ വിളിക്കാനായി പോവുന്ന രംഗമുണ്ട്. അസുഖം മാറിയെന്ന് പറഞ്ഞപ്പോള് ആരും വിശ്വസിക്കുന്നില്ല. പെട്ടിയൊക്കെ എടുത്ത് വരുന്ന പാര്വതി സ്വയം മറന്ന് എന്നെ കെട്ടിപ്പിടിക്കുന്ന രംഗമായിരുന്നു ഉണ്ടായിരുന്നത്. നാളുകള്ക്ക് ശേഷമുള്ള കൂടിക്കാഴ്ചയില് ഗൂഢമായ ആലിംഗനമായിരുന്നു.
കെട്ടിപ്പിടിക്കാനാവില്ല
അസോസിയേറ്റ് ഡയറക്ടര് മുഖാന്തരമായാണ് പാര്വതി അങ്ങനെ കെട്ടിപ്പിടിച്ച് അഭിനയിക്കാനാവില്ലെന്ന് എന്നെ അറിയിച്ചത്. അന്നെനിക്ക് അവരുടെ പ്രണയത്തെക്കുറിച്ച് അറിയില്ലായിരുന്നു. സിനിമയിലും ജീവിതത്തിലും പാര്വതി ഇനി ആരെയെങ്കിലും കെട്ടിപ്പിടിക്കുന്നുണ്ടെങ്കില് അത് ജയറാമിനെ മാത്രമായിരിക്കുമെന്ന് അന്ന് എനിക്ക് മനസ്സിലായെന്നുമായിരുന്നു ശ്രീനിവാസന് പറഞ്ഞത്.