അദ്ദേഹത്തിന്റെ സപ്പോര്‍ട്ട് അത്രയും വലുതാണ്! സുരേഷ് ഗോപിയെക്കുറിച്ച് പറഞ്ഞ് ശ്രീവിദ്യയും രാഹുലും

സിനിമയിലും ചാനല്‍ പരിപാടികളിലുമായി സജീവമാണ് ശ്രീവിദ്യ മുല്ലച്ചേരി. അടുത്തിടെയായിരുന്നു ശ്രീവിദ്യയുടെ വിവാഹനിശ്ചയം നടന്നത്. ചടങ്ങിന്റെ ചിത്രങ്ങളും വീഡിയോയും സോഷ്യല്‍മീഡിയയിലൂടെ വൈറലായിരുന്നു. സംവിധായകനായ രാഹുല്‍ രാമചനന്ദ്രനാണ് ശ്രീവിദ്യയെ വിവാഹം ചെയ്യുന്നത്. ആദ്യം കണ്ടുമുട്ടിയത് മുതല്‍ എന്‍ഗേജ്‌മെന്റ് വരെയുള്ള കാര്യങ്ങളെക്കുറിച്ച് ശ്രീവിദ്യ തുറന്ന് പറഞ്ഞിരുന്നു. ജീം ബൂം ബാ എന്ന ചിത്രത്തിലൂടെയായാണ് രാഹുല്‍ സംവിധാനത്തില്‍ തുടക്കം കുറിച്ചത്. സുരേഷ് ഗോപിയെ നായകനാക്കിയുള്ള ചിത്രമാണ് ഇനി വരാനിരിക്കുന്നത്. സുരേഷ് ഗോപിയുമായി അടുത്ത സൗഹൃദമുണ്ട് രാഹുലിനും ശ്രീവീദ്യയ്ക്കും. അദ്ദേഹത്തെക്കുറിച്ചുള്ള രാഹുലിന്റെ പോസ്റ്റ് ശ്രദ്ധേയമായിക്കൊണ്ടിരിക്കുകയാണ്. അദ്ദേഹത്തിനെ എപ്പോ കണ്ടാലും ആദ്യം കാണുന്നത് പോലെയാണ് എനിക്ക് തോന്നുന്നതെന്നായിരുന്നു രാഹുല്‍ കുറിച്ചത്. ശ്രീവിദ്യയേയും രാഹുലിനേയും ചേര്‍ത്ത് പിടിച്ചുള്ള സുരേഷ് ഗോപിയുടെ ചിത്രത്തിന് താഴെ നിരവധി പേരാണ് കമന്റുകള്‍ രേഖപ്പെടുത്തിയിട്ടുള്ളത്.
അദ്ദേഹത്തിന് എന്‍ഗേജ്‌മെന്റിന് വരാനായില്ല. വീഡിയോ കോളില്‍ വെച്ച് ഞങ്ങളെ വിഷ് ചെയ്തിരുന്നു. അത് വലിയൊരു അനുഗ്രഹമാണെന്നും ശ്രീവിദ്യയും രാഹുലും പറഞ്ഞിരുന്നു. സുരേഷ് ഗോപിയുമായുള്ള സിനിമയ്ക്ക് ശേഷമായാണ് കല്യാണം. ഏപ്രിലില്‍ സിനിമയുടെ ചിത്രീകരണം തുടങ്ങാനുള്ള പ്ലാനിലാണ്. ചിത്രത്തില്‍ ശ്രീവിദ്യയും അഭിനയിക്കുന്നുണ്ട്. സിനിമ എന്നിറങ്ങുന്നോ അടുത്താഴ്ച കല്യാണമെന്നായിരുന്നു രാഹുല്‍ പറഞ്ഞത്.
രാഹുലിന് സുരേഷ് ഗോപി സാര്‍ കൊടുത്ത സപ്പോര്‍ട്ട് ചെറുതൊന്നുമല്ല. അതേക്കുറിച്ച് എനിക്ക് നേരിട്ടറിവുള്ളതാണ്. വീഡിയോ കോള്‍ ഞങ്ങള്‍ പ്ലാന്‍ ചെയ്‌തൊന്നുമല്ല. ഞങ്ങള്‍ ഇടയ്ക്ക് പോയി കണ്ടിരുന്നു. പാപ്പന്റെ പ്രമോഷന്‍ സമയത്ത് ഞങ്ങള്‍ അദ്ദേഹത്തെ കണ്ടിരുന്നു. ഞങ്ങളുടെ രണ്ടുപേരുടെ കുടുംബാംഗങ്ങളാണ് എന്‍ഗേജ്‌മെന്റില്‍ പങ്കെടുത്തത്. കല്യാണത്തിന് എല്ലാവരേയും വിളിക്കുമെന്നുമായിരുന്നു ശ്രീവിദ്യയും രാഹുലും പറഞ്ഞത്.