ഇംഗ്ലീഷ് വിംഗ്ലീഷിനു ശേഷം പുതിയ ചിത്രവുമായി ശ്രീദേവി

ബോളിവുഡ് നടി ശ്രീദേവിയുടെ രണ്ടാം വരവറിയിച്ച ചിത്രമായിരുന്നു പ്രശസ്ത സംവിധായിക ഗൗരി ഷിന്‍ഡെ സംവിധാനം ചെയ്ത ഇംഗ്ലീഷ് വിംഗ്ലീഷ്. ഇംഗ്ലീഷ് ഭാഷയില്‍ പ്രാവീണ്യമില്ലാത്ത ഒരു വീട്ടമ്മ അനുഭവിക്കുന്ന മാനസിക വിഷമങ്ങളും ഇച്ഛാശക്തിയിലൂടെ അവര്‍ ഇംഗ്ലീഷ് അനായാസമായി കൈകാര്യം ചെയ്യുന്നതില്‍ പ്രാവീണ്യം നേടുന്നതുമായിരുന്നു ചിത്രത്തിന്‍റെ പ്രമേയം .

വീണ്ടും സ്ത്രീ പക്ഷ സിനിമയുമായി എത്തുകയാണ് ഇരുവരും എന്നാണ് ശ്രീദേവി സോഷ്യല്‍ മീഡിയില്‍ പങ്കുവച്ച ചിത്രം സൂചിപ്പിക്കുന്നത്. വീണ്ടും വരുന്നു എന്ന അടിക്കുറിപ്പോടെയാണ് ഇരുവരുടെയും ചിത്രം നടി പോസ്റ്റ് ചെയ്തിരിക്കുന്നത്.

ചിത്രത്തിന്‍റെ കഥ പൂര്‍ണ്ണമായിട്ടില്ലെന്നും ചിത്രം അടുത്ത വര്‍ഷം തിയേറ്ററുകളിലെത്തുമെന്നുമാണ് നടിയുമായി അടുത്ത വൃത്തങ്ങള്‍ നല്‍കുന്ന സൂചനകള്‍. സെറ്റിലും ജീവിതത്തിലും നല്ല സുഹൃത്തുക്കളായ ഗൗരിയും ശ്രീദേവിയും ഇംഗ്ലീഷ് വിംഗ്ലീഷ് പോലെയുളള മറ്റൊരു ചി ത്രവുമായി എത്തുമെന്നാണ് ബോളിവുഡ് ഉറ്റുനോക്കുന്നത്.