​മലയാളത്തിൽ 26 ചിത്രങ്ങൾ... മികച്ച ബാലതാരത്തിനുള്ള പുരസ്കാരം

കൊച്ചി: ഇന്ത്യൻ സിനിമയിലെ ലേഡി സൂപ്പർ സ്റ്റാർ ശ്രീദേവി മലയാളത്തിൽ അഭിനയിച്ചത് 26 ചിത്രങ്ങൾ. മികച്ച ബാലതാരത്തിനുള്ള സംസ്ഥാന പുരസ്കാരവും മലയാളത്തിൽ ശ്രീദേവി സ്വന്തമാക്കി. 1969ൽ കുമാരസംഭവത്തിലൂടെയാണ് അവർ മലയാളത്തിൽ അരങ്ങേറ്റം കുറിച്ചത്. ഭരതൻ സംവിധാനം ചെയ്ത് 'ദേവരാഗം' ആണ് അവസാന മലയാള ചിത്രം.

1971ൽ ബി.കെ.പൊറ്റക്കാട് സംവിധാനം ചെയ്ത ‘പൂമ്പാറ്റ’ എന്ന ചിത്രത്തിലെ അഭിനയത്തിനാണ് മികച്ച ബാലതാരത്തിനുള്ള പുരസ്കാരം ശ്രീദേവിക്ക് ലഭിച്ചത്. പിന്നീട് ‘ആന വളർത്തിയ വാനമ്പാടിയുടെ മകൻ’ ‘തീർത്ഥയാത്ര’ എന്നീ ചിത്രങ്ങളിലും അവർ അഭിനയിച്ചു.

കമൽഹാസൻെറ നായികയായി തന്നെയായിരുന്നു മലയാളത്തിൽ ശ്രീദേവിയുടെ മികച്ച ചിത്രങ്ങൾ. എെവി ശശി ചിത്രങ്ങളിലായിരുന്നു അവർ ഏറ്റവും കൂടുതൽ അഭിനയിച്ചത്. അഭിനന്ദനം, കുറ്റവും ശിക്ഷയും, ആലിംഗനം, തുലാവര്‍ഷം, ‘നാലുമണിപ്പൂക്കള്‍’, ‘പ്രേമാഭിഷേകം,’ ‘ബാല നാഗമ്മ’ എന്നിവയാണ് പ്രധാന മലയാള ചിത്രങ്ങൾ.