വിവാഹജീവിതം പതിനേഴും തികഞ്ഞു കവിഞ്ഞു! അതും ഇക്കാലത്ത്! പരസ്പരം കൈകൊടുത്ത് അഭിനന്ദിച്ചുപോയി! വെഡ്ഡിങ് ആനിവേഴ്‌സറിയെക്കുറിച്ച് ശ്രീകാന്ത് മുരളി

പ്രണയിച്ച് വിവാഹിതരായവരാണ് ശ്രീകാന്ത് മുരളിയും സംഗീതയും. റിയാലിറ്റി ഷോയില്‍ മത്സരിക്കാനെത്തിയതായിരുന്നു സംഗീത. ആ ഷോയുടെ പിന്നണിയില്‍ പ്രവര്‍ത്തിച്ച് വരികയായിരുന്നു ശ്രീകാന്ത്. അതിന് ശേഷമായി പ്രിയദര്‍ശനൊപ്പം അസിസ്റ്റന്റായും പ്രവര്‍ത്തിച്ചിരുന്നു അദ്ദേഹം. വിനീത് ശ്രീനിവാസന്റെ നിര്‍ദേശപ്രകാരമായാണ് നിവിന്‍ പോളിയോട് കഥ പറയാനായി ആക്ഷന്‍ ഹീറോ ബിജുവിന്റെ സെറ്റിലേക്ക് പോയത്. പോയത് കഥ പറയാനാണെങ്കിലും അഭിനയിക്കാനുള്ള അവസരം ലഭിക്കുകയായിരുന്ന അന്ന്. സോഷ്യല്‍മീഡിയയില്‍ സജീവമായ ശ്രീകാന്ത് മുരളി തന്റെ വെഡ്ഡിങ് ആനിവേഴ്‌സറിയെക്കുറിച്ച് പറഞ്ഞും എത്തിയിരുന്നു.
ഒന്നാമത്തെ ചിത്രത്തിൽക്കാണുന്ന കൂട്ടിമുട്ടൽ നടന്നത് 2005 ലെ ജൂൺ 9 ന്. പതിനേഴും തികഞ്ഞു കവിഞ്ഞു. അതും ഇക്കാലത്ത്. പരസ്പരം കൈ കൊടുത്തഭിനന്ദിച്ചുപോയി.രണ്ടാമത്തെ ചിത്രത്തിൽ കൂടെയുള്ളത്, ഇവിടെയുണ്ടായിരുന്നു എന്നതിന് ആകെയുള്ള തെളിവ് അഥവാ"തൊണ്ടി മുതൽ",അന്നത്തെ കൂട്ടിമുട്ടലിന്റെ ഇംപാക്റ്റ്. സമരങ്ങൾക്കും, സമവായങ്ങൾക്കും ആകെയുള്ള ദൃക്‌സാക്ഷി, ക്രിഞ്ച് എന്നായിരുന്നു അദ്ദേഹം കുറിച്ചത്. താരങ്ങളും ആരാധകരുമെല്ലാം അദ്ദേഹത്തിന് ആശംസ അറിയിച്ചെത്തിയിരുന്നു. വിവാഹത്തിന് മുന്‍പ് നോണ്‍വെജ് ഭക്ഷണങ്ങളൊക്കെ കഴിക്കുമായിരുന്നു. വിവാഹശേഷമായാണ് അത് നിര്‍ത്തിയത്. വീട്ടില്‍ നോണ്‍വെജ് പാകം ചെയ്യുകയോ കഴിക്കുകയോ ചെയ്യാറില്ല, അത് നിര്‍ത്താന്‍ ശ്രമിച്ചിരുന്നുവെങ്കില്‍ നല്ലതാണെന്ന് ശ്രീകാന്ത് പറഞ്ഞതോടെയാണ് സംഗീത വെജിറ്റേറിയനായത്.