'സു സു സുധി വാത്മീകം', 'ഇടി', 'ലൂസിഫര്' എന്നീ സിനിമകളിലൂടെ ഏറെ ആരാധകരെ നേടിയ നടി ശിവദ ഓണനാളിലാണ് താൻ അമ്മയായ വിവരം ആരാധകരുമായി സോഷ്യൽ മീഡിയ മുഖേന പങ്കുവെച്ചത്. നീണ്ട നാളത്തെ കാത്തിരിപ്പിനൊടുവില് ജീവിതത്തിലേക്ക് കുഞ്ഞതിഥി എത്തിയതിൻ്റെ സന്തോഷം നടി പങ്കുവെച്ച ശേഷം ചുരുക്കം ചില പൊതു പരിപാടികളിലും പങ്കെടുത്തിരുന്നു. ഇപ്പോൾ പ്രസവ ശേഷം സിനിമകളിൽ സജീവമാകാനുള്ള തയ്യാറെടുപ്പിലാണ് താരം. പ്രസവശേഷമുണ്ടായ സ്വാഭാവികമായ ശാരീരിക മാറ്റങ്ങളിൽ മാറ്റം വരുത്തി പഴയ പടിയാകാനുള്ള ഒരുക്കത്തിലാണ് താരം. ഇതിനായി ജിമ്മിൽ വര്ക്കൗട്ട് തുടങ്ങിയ വിവരവും താരം ആരാധകരുമായി പങ്കുവെച്ചിരുന്നു. കൈക്കുഞ്ഞുമായാണ് നടി ജിമ്മിലെത്തുന്നതും വര്ക്കൗട്ട് നടത്തുന്നതും. ഇതിൻ്റെ വീഡിയോ നടി കഴിഞ്ഞ ദിവസം പങ്കുവെച്ചിരുന്നു. ട്രെയിനറുടെ കൈയില് കുഞ്ഞിനെ ഏല്പ്പിച്ചിട്ടാണ് ശിവദ വര്ക്കൗട്ട് ചെയ്യുന്നത്. ട്രെയിനര് അടുത്ത സുഹൃത്തായാല് ഇതാണ് ഗുണമെന്നാണ് നടി ഈ വീഡിയോയ്ക്ക് തലക്കെട്ടായി കുറിച്ചിരിക്കുന്നത്. പ്രസവശേഷം സ്വാഭാവികമായും നഷ്ടപ്പെടുന്ന ശരീരത്തിൻ്റെ ഫിറ്റ്നസ് വീണ്ടെടുക്കുന്നതിനായി കഠിനമായ വര്ക്ക്ഔട്ടാണ് ശിവദ നടത്തുന്നത്. അടുത്ത ചിത്രത്തിനായുള്ള ഒരുക്കത്തിലാണ് താനെന്ന് വ്യക്തമാക്കിക്കൊണ്ടാണ് നടി മുൻപ് ജിം വര്ക്കൗട്ട് ചിത്രം പങ്കുവെച്ചത്. മലയാളത്തിലും തമിഴിലും ഒരുപോലെ ശ്രദ്ധ നേടിയ നടിയുടെ മൂന്ന് സിനിമകളാണ് തമിഴിൽ അണിയറയിൽ പുരോഗമിക്കുന്നത്.
Also Read: പ്രസവശേഷം ശിവദ വീണ്ടും സിനിമയിലേക്ക്; വർക്കൌട്ട് ചിത്രം പങ്കുവെച്ച് നടി!
ആദ്യകാലങ്ങളിൽ ആൽബം ഗാനങ്ങളിലൂടെയാണ് ശിവദ ശ്രദ്ധേയയായത്. കേരളകഫേ എന്ന സിനിമയിലൂടെയായിരുന്നു സിനിമയിൽ അരങ്ങേറ്റം കുറിച്ചത്. തുടര്ന്ന് ലിവിങ് റ്റുഗദര് എന്ന ഫാസില് ചിത്രത്തില് നായികയായെത്തിയിരുന്നു. പിന്നീട് തമിഴകത്തും ശിവദ സജീവ സാന്നിധ്യമായി മാറി. തുടർന്ന് സു സു സുധി വാത്മീകത്തിൽ ജയസൂര്യയ്ക്കൊപ്പം നായികയായി. ഇതോടെ മലയാള സിനിമയിലെ ശ്രദ്ധേയ സാന്നിധ്യമാവുകയായിരുന്നു താരം. പിന്നീട് ഇടി എന്ന ചിത്രത്തിലും ശിവദ ജയസൂര്യയുടെ നായികയായെത്തി. പൃഥ്വിരാജ് സംവിധാനം ചെയ്ത ലൂസിഫറിലും ശിവദ ശ്രദ്ധേയമായ വേഷം അവതരിപ്പിച്ചിരുന്നു.
Also Read: പ്രസവശേഷം ശിവദ വീണ്ടും സിനിമയിലേക്ക്; വർക്കൌട്ട് ചിത്രം പങ്കുവെച്ച് നടി!
ആദ്യകാലങ്ങളിൽ ആൽബം ഗാനങ്ങളിലൂടെയാണ് ശിവദ ശ്രദ്ധേയയായത്. കേരളകഫേ എന്ന സിനിമയിലൂടെയായിരുന്നു സിനിമയിൽ അരങ്ങേറ്റം കുറിച്ചത്. തുടര്ന്ന് ലിവിങ് റ്റുഗദര് എന്ന ഫാസില് ചിത്രത്തില് നായികയായെത്തിയിരുന്നു. പിന്നീട് തമിഴകത്തും ശിവദ സജീവ സാന്നിധ്യമായി മാറി. തുടർന്ന് സു സു സുധി വാത്മീകത്തിൽ ജയസൂര്യയ്ക്കൊപ്പം നായികയായി. ഇതോടെ മലയാള സിനിമയിലെ ശ്രദ്ധേയ സാന്നിധ്യമാവുകയായിരുന്നു താരം. പിന്നീട് ഇടി എന്ന ചിത്രത്തിലും ശിവദ ജയസൂര്യയുടെ നായികയായെത്തി. പൃഥ്വിരാജ് സംവിധാനം ചെയ്ത ലൂസിഫറിലും ശിവദ ശ്രദ്ധേയമായ വേഷം അവതരിപ്പിച്ചിരുന്നു.