Also Read: 'അദിതിയാണ് നായിക എന്ന് പറഞ്ഞപ്പോൾ എന്നെ പറ്റിക്കുകയാവും എന്നാണ് കരുതിയത്'; 'കേരളക്കര നെഞ്ചേറ്റിയ സൂഫി' മനസ് തുറക്കുന്നു!
ലളിതമായ വിവാഹം
കുടുംബത്തിൽ ഒരു മരണം സംഭവിച്ചതിനാലാണ് വിവാഹം ലളിതമാക്കി നടത്തിയതെന്ന് ദേവ് വ്യക്തമാക്കി. ദേവും റജീനയും കഴിഞ്ഞ പത്തുവർഷമായി അടുത്ത സുഹൃത്തുക്കളാണ്. ഇരുവീട്ടുകാരും പൂർണമായി സമ്മതിച്ചതോടെയാണ് വിവാഹത്തിലേക്കെത്തിയത്. രണ്ട് വീട്ടുകാരുടെയും ആശീർവാദത്തോടെയായിരുന്നു വിവാഹം നടന്നതെന്നും ദേവ് മോഹൻ വ്യക്തമാക്കി. ഐഇ മലയാളത്തോടാണ് ദേവ് മോഹൻ ഈ സ്ഥിരീകരണം നടത്തിയത്.
പ്രണയം പറഞ്ഞ സൂഫി
പ്രണയം പറഞ്ഞുകൊണ്ടുള്ള ദേവിൻ്റെ പോസ്റ്റ് സോഷ്യൽ മീഡിയയിൽ വൈറലായിരുന്നു. കുറിപ്പിൻ്റെ പൂർണ്ണ രൂപം ഇങ്ങനെയായിരുന്നു. 'നീയെന്റെ ആത്മാവിന് വെളിച്ചം പകർന്നു. ഇതൊരു മുത്തശ്ശിക്കഥയൊന്നുമല്ല, ഒരു ദശാബ്ദമായി കരുത്ത് പകരുന്നതാണ്. നല്ലകാലത്തും മോശപ്പെട്ട സമയങ്ങളിലും നീ കൂടെ തന്നെയുണ്ടായിരുന്നു, ക്ഷമയോടെ, എനിക്കു കരുത്തു പകരുന്ന തൂണായി....'
'ഞാനെന്നും നിന്നോട് ചേർന്നിരിക്കട്ടെ'
എന്നെ ഞാനാക്കി മാറ്റിയ നിമിഷങ്ങളിലെല്ലാം നീ സാക്ഷിയായി കൂടെ തന്നെയുണ്ടായിരുന്നു. ഞാനെന്നും നിന്നോട് ചേർന്നിരിക്കട്ടെ, നിനക്കൊപ്പം ഈ ജീവിതം ആഘോഷിക്കാനും നിന്റെ സന്തോഷങ്ങളിൽ പങ്കാളിയാകാനും… പ്രിയപ്പെട്ടവരുടെ അനുഗ്രഹത്തോടെ ഒരുമിച്ചുള്ള ഈ യാത്ര തുടങ്ങുകയാണല്ലോ നമ്മൾ… എല്ലാവരുടെയും സ്നേഹവും അനുഗ്രഹവും വേണം. ദേവ് കുറിച്ചതിങ്ങനെ...
Also Read: പ്രണയം പറഞ്ഞ് 'സൂഫി'! മനസ്സ് കവർന്നയാളെ പരിചയപ്പെടുത്തി ദേവ് മോഹൻ
മലയാളികളുടെ സൂഫി
തൃശൂർ സ്വദേശിയായ ദേവ് മോഹൻ ബംഗളൂരുവിലെ ബഹുരാഷ്ട്ര കമ്പനിയിൽ മെക്കാനിക്കൽ എൻജിനീയറാണ്. അതിനിടെയാണ് സിനിമയിലേക്ക് എത്തുന്നത്. ‘സൂഫിയും സുജാതയും’ എന്ന ചിത്രത്തിലേക്ക് എത്തിയത് ഓഡിഷനിലൂടെയാണ്. സൂഫി എന്ന കഥാപാത്രത്തിനായി ഏതാണ്ട് രണ്ടു വർഷത്തോളം ദേവ് മാറ്റിവെക്കുകയും വേളിംങ് പോലുള്ള അഭ്യാസങ്ങൾ പരിശീലിക്കുകയും ചെയ്തു.
റജീനയും ദേവ് മോഹനും
ആ കഥാപാത്രത്തിന് സിനിമയിൽ ഒരുപാട് പ്രാധാന്യം ഉണ്ട് എന്ന് എനിക്ക് മനസ്സിലായിരുന്നു. അടിസ്ഥാനപരമായ എന്റെ സ്വഭാവങ്ങളുമായി ഒരുപാട് വ്യത്യാസം ഉണ്ടെങ്കിലും സൂഫി എന്ന കഥാപാത്രം ചെയ്യാൻ എനിക്ക് സാധിക്കും എന്ന് തോന്നിയിരുന്നതായി ദേവ് മോഹൻ സമയം മലയാളത്തിന് അനുവദിച്ച അഭിമുഖത്തിൽ പറഞ്ഞിരുന്നു.