ജനങ്ങളുടെ സുരക്ഷയാണ് വലുത്; ബെംഗളൂരുവിലെ പാര്‍ട്ടിയില്‍ പങ്കെടുക്കില്ലെന്ന് സണ്ണി ലിയോണ്‍

പ്രതിഷേധങ്ങള്‍ക്കൊടുവില്‍ ബെംഗളൂരുവില്‍ നടക്കുന്ന പുതുവര്‍ഷ പാര്‍ട്ടിയില്‍ താന്‍ പങ്കെടുക്കുന്നില്ലെന്ന് ബോളിവുഡ് താരം സണ്ണി ലിയോണ്‍. സണ്ണി പങ്കെടുക്കുന്നതിനെതിരെ കര്‍ണാടക രക്ഷണ വേദികെ യുവ സേന പ്രവര്‍ത്തകര്‍ പ്രതിഷേധിച്ചതിനെ തുടര്‍ന്ന് പരിപാടിക്കുള്ള അനുമതി റദ്ദാക്കണമെന്ന് ആഭ്യന്തര മന്ത്രി പോലീസ് കമ്മീഷണര്‍ക്ക് നിര്‍ദ്ദേശം നല്‍കിയിരുന്നു. ഇതേ തുടര്‍ന്നാണ് പരിപാടിയില്‍ നിന്ന് വിട്ടു നില്‍ക്കുന്ന കാര്യം സണ്ണി അറിയിച്ചത്.

തന്‍റെയും പാര്‍ട്ടിയില്‍ പങ്കെടുക്കുന്നവരുടെയും സുരക്ഷ പോലീസിന് ഉറപ്പു നല്‍കാനാകില്ലെന്ന് ഔദ്യോഗികമായി പ്രഖ്യാപിച്ച സാഹചര്യത്തിലാണ് താന്‍ പിന്മാറുന്നതെന്നും എല്ലാവര്‍ക്കും പുതുവത്സരാശംസകള്‍ നേരുന്നതായും സണ്ണി ലിയോണ്‍ പറഞ്ഞു.

സണ്ണി ലിയോണ്‍ ബെംഗളൂരുവില്‍ നടക്കുന്ന പരിപാടിയില്‍ പങ്കെടുക്കുകയാണെങ്കില്‍ ഡിസംബര്‍ 31ന് കൂട്ട ആത്മഹത്യ ചെയ്യുമെന്നായിരുന്നു സംഘടനയുടെ ഭീഷണി.