നാടക നിര്‍മാണ രംഗത്തേക്ക് സണ്ണി വെയ്ന്‍

നാടക നിർമ്മാണ രംഗത്തേക്ക് ചുവടുവെച്ച് മലയാളത്തിന്റെ പ്രിയ നടൻ സണ്ണി വെയ്ന്‍. കണ്ണൂര്‍ സ്വദേശിയായ ലിജു കൃഷ്ണ എഴുതുകയും സംവിധാനം ചെയ്യുകയും ചെയ്ത ‘മോമാന്റ്റ് ജസ്റ്റ് ബിഫോര്‍ ഡെത്ത്’ എന്ന നാടകവുമായാണ് സണ്ണി വെയ്ന്‍ പ്രൊഡക്ഷൻസ് വരുന്നത്. ദേശീയ-അന്താരാഷ്ട്ര നാടകമേളകളില്‍ പ്രദര്‍ശിപ്പിച്ചിട്ടുള്ള നാടകത്തിന് ധാരാളം പുരസ്കാരങ്ങളും ഇതിനകം ലഭിച്ചിട്ടുണ്ട്.


ലിജു കൃഷ്ണയുടെ രചന, സംവിധാനം നിര്‍വഹിക്കുന്ന മനോജ്‌ ഒമെൻ, ശരൺ മോഹൻ, സിദ്ധാര്‍ത് വര്‍മ തുടങ്ങിയവരാണ് അഭിനേതാക്കള്‍. ബിജിബാല്‍ ആണ് സംഗീത സംവിധാനം നിര്‍വഹിച്ചിരിക്കുന്നത്. ജൂണ്‍ 10ന് കൊച്ചി ജെ.ടി പാക്കിലെ തിയ്യേറ്ററില്‍ വച്ചാണ് നാടകത്തിന്‍റെ സ്പെഷൽ ഷോ.