'നീണ്ടൊരു കാത്തിരിപ്പായിരുന്നു; രണ്ടാഴ്ചയ്ക്ക് ശേഷം കാണാനാകുമെന്ന് പ്രതീക്ഷ'യെന്ന് സുപ്രിയ

ഇന്ന് രാവിലെയാണ് ജോര്‍ദാനിൽ നിന്ന് ആടുജീവിതം സംഘം കൊച്ചിയിൽ തിരിച്ചെത്തിയത്. ചിത്രത്തിൽ നായകനാകുന്ന പൃഥ്വി കൊച്ചിയിലെത്തിയ ശേഷം സ്വയം കാറോടിച്ച് ഫോർട്ടുകൊച്ചിയിൽ തയ്യാറാക്കിയ കേന്ദ്രത്തിലേക്ക് ക്വാറന്‍റൈനിലാകുന്നതിനായി പോകുകയുണ്ടായി. ഇപ്പോഴിതാ പൃഥ്വി തിരിച്ചെത്തിയ സന്തോഷം പങ്കുവെച്ചുകൊണ്ട് ഭാര്യ സുപ്രിയ മേനോൻ എത്തിയിരിക്കുകയാണ്.

പൃഥ്വി തിരിച്ചെത്തിയ സന്തോഷത്തിൽ സുപ്രിയ ഇൻസ്റ്റയിൽ കുറിച്ചിരിക്കുന്ന വാക്കുകള്‍ ഏറെ ഹൃദ്യമാണ്. മൂന്നുമാസങ്ങൾക്കു ശേഷമാണ് പൃഥ്വിയും ആടുജീവിതത്തിന്‍റെ ക്രൂവും കേരളത്തിലെത്തിയിരിക്കുന്നത്. ഇപ്പോഴുള്ള നിർദ്ദേശങ്ങൾക്ക് അനുസരിച്ച് അവർ ക്വാറന്‍റൈനിലേക്ക് പോകും. നീണ്ടൊരു കാത്തിരിപ്പായിരുന്നു ഇത്, ഇവരുടെ മടക്കയാത്രയ്ക്ക് വേണ്ട സൗകര്യങ്ങൾ ഒരുക്കിയ ഏവര്‍ക്കും ഞങ്ങൾ നന്ദി പറയുകയാണ്.

Also Read: ജോര്‍ദാനിലെ 'ആടുജീവിതം' കഴിഞ്ഞ് പൃഥ്വിയും സംഘവും നാട്ടിലെത്തി; ഇനി ക്വാറന്റെെന്‍ നാളുകള്‍, ചിത്രങ്ങള്‍ കാണാം

ഞങ്ങള്‍ രണ്ടിടത്തായിരുന്ന ഈ സമയത്ത് ഞങ്ങൾക്ക് വേണ്ടി പ്രാർഥിക്കുകയും കരുത്തായി ഒപ്പം നിൽക്കുകയും ചെയ്ത ആരാധകർക്കും അഭ്യുദയകാംക്ഷികൾക്കും വ്യക്തിപരമായും നന്ദി അറിയിക്കുന്നു. അല്ലി അവളുടെ ദാദ തിരിച്ചെത്തുന്ന സന്തോഷത്തിലുമാണ്, ഇനി രണ്ടാഴ്ചയ്ക്കു ശേഷം പൃഥ്വിയെ കാണാനാകുമെന്നാണ് പ്രതീക്ഷയെന്നും സുപ്രിയ കുറിച്ചിരിക്കുകയാണ്.

Also Read: കേശു ലുക്ക് മാറ്റി ദിലീപ്; പുതിയ സ്റ്റൈൽ കിടുവെന്ന് ആരാധകർ!

എയർ ഇന്ത്യയുടെ പ്രത്യേക വിമാനത്തിൽ രാവിലെ 8.59 നാണ് പൃഥ്വിരാജടക്കം സിനിമയുടെ 58 പേരടങ്ങുന്ന സംഘം കൊച്ചി നെടുമ്പാശേരി വിമാനത്താവളത്തിലെത്തിയത്. ജോര്‍ദാനിൽ നിന്ന് ഡൽഹിയിലെത്തി അവിടെ നിന്നുമാണ് പ്രത്യേക വിമാനത്തിൽ സംഘം കൊച്ചിയിലേക്ക് എത്തിച്ചേര്‍ന്നത്. എയര്‍പോര്‍ട്ടിലെത്തിയ ശേഷം പൃഥ്വിരാജ് തന്‍റെ കാറിൽ സ്വയം ഡ്രൈവ് ചെയ്ത് ഫോർട്ട് കൊച്ചിയിലുള്ള ഓൾഡ് ഹാർബർ ഹോട്ടലിൽ ക്വാറന്‍റൈനിൽ കഴിയുന്നതിനായി പോകുകയായിരുന്നു.

Also Watch :