'അന്നൊക്കെ പൃഥ്വിയോട് വഴക്കടിച്ചിരുന്നു'; മനസ് തുറന്ന് സുപ്രിയ!

കല്യാണത്തിന് ശേഷം സുപ്രിയ തിരികെ മുംബെെയിലേക്ക് മടങ്ങുകയായിരുന്നു. അപ്പോള്‍ ഹിന്ദി സിനിമിയില്‍ അഭിനയിക്കുന്നതില്‍ പൃഥ്വിയും മുംബെെയിലുണ്ടായിരുന്നുവെന്നും സുപ്രിയ പറയുന്നു.

എന്നാല്‍ ആ സിനിമ കഴിഞ്ഞതോടെ പൃഥ്വി വീണ്ടും മലയാളത്തില്‍ സജീവമായി. ഇതോടെ പൃഥ്വി കേരളത്തിലും സുപ്രിയ മുംബെെയിലും. എല്ലാ വെള്ളിയാഴ്ചയും താന്‍ കേരളത്തില്‍ വരും, തിങ്കളാഴ്ച രാവിലെ മുംബെെയിലേക്ക് പോകുമായിരുന്നുവെന്നും സുപ്രിയ പറയുന്നു. രണ്ട് മൂന്ന് മാസം ഇതേരീതിയിലായിരുന്നുവെന്നും തനിക്കിത് വല്ലാത്ത ബുദ്ധിമുട്ടായിരുന്നുവെന്നും അവര്‍ പറഞ്ഞു.

''അന്നൊക്കെ പൃഥ്വിയോട് വഴക്കടിച്ചിരുന്നു. എല്ലാ ആഴ്ചയും ഞാന്‍ ലീവെടുത്ത് വരും, പൃഥ്വിയ്ക്ക് ഒന്ന് മുംബെെയിലേക്ക് വന്നൂടെ എന്നു ചോദിക്കും. പക്ഷെ ഹീറോ ലീവെടുത്താല്‍ പ്രൊഡ്യൂസര്‍ക്ക് എത്ര ബുദ്ധിമുട്ടുണ്ടാകുമെന്ന് ഇപ്പോള്‍ എനിക്ക് മനസിലായി'' സുപ്രിയ പറയുന്നു.

കുടുംബം വേണോ ജോലി വേണോ എന്നൊരു ഘട്ടം വന്നപ്പോള്‍ താന്‍ കുടുംബം തന്നെ തിരഞ്ഞെടുക്കുകയായിരുന്നുവെന്നും സുപ്രിയ പറയുന്നു. പൃഥ്വിരാജ് നായകനായ 9, ഡ്രെെവിങ് ലെെസന്‍സ് എന്നീ ചിത്രങ്ങളുടെ നിര്‍മ്മതാവാണ് സുപ്രിയ.

കേരളത്തിലേക്ക് മാറിയപ്പോള്‍ ആദ്യം ബുദ്ധിമുട്ടായിരുന്നുവെന്ന് സുപ്രിയ ഓര്‍ക്കുന്നു. മുംബെെ മിസ് ചെയ്യുമായിരുന്നു. എന്നാല്‍ ഇപ്പോള്‍ കൊച്ചി പഴയ കൊച്ചിയല്ല. തനിക്കിവിടെ കുറേ സുഹൃത്തുക്കളുണ്ട്. പൃഥ്വിയ്ക്കും ഇവിടെയാണിഷ്ടെന്നും സുപ്രിയ കൂട്ടിച്ചേര്‍ത്തു.