ജഗത് ബികെ ആര്? ഇതാ സുരഭിയുടെ മറുപടി

നടി സുരഭി അടുത്തിടെ ഫേസ്ബുക്കിൽ പങ്കുവച്ചൊരു ചിത്രം ഏറെ ചർച്ചകൾക്ക് വഴിയൊരുക്കിയിരുന്നു. ക്ഷേത്രത്തിന് മുന്നിൽ നിന്നെടുത്തൊരു ചിത്രവും ജഗത്ബികെ എന്ന് നൽകിയ അടികുറിപ്പുമായിരുന്നു ഏറെ ചർച്ചാ വിഷയമായത്. ആരാണ് ഈ ജഗത്ബികെ എന്നായിരുന്നു ഏവർക്കുമറിയേണ്ടിയിരുന്നത്. സുരഭി വിവാഹമോചനം നേടിയിട്ട് അധികമായില്ല ഇത്രയും പെട്ടെന്ന് മറ്റൊരു വിവാഹം കഴിച്ചോ എന്നൊക്കെയായിരുന്നു ചിലരുടെ ചോദ്യം.

വളരെ മോശം രീതിയിലുള്ള കമന്‍റുകളും ചിത്രത്തിന് ലഭിച്ചിരുന്നു. ഒടുവിൽ മറുപടിയുമായി സുരഭി തന്നെ രംഗത്തെത്തിയിരിക്കുകയാണ്. തനിക്കൊപ്പമുള്ളത് തന്‍റെ സഹോദരൻ ആണെന്നു പറഞ്ഞാണ് സുരഭി ഫേസ്ബുക്ക് പോസ്റ്റിട്ടിരിക്കുന്നത്. ''എന്‍റെ ഒരെയൊരു സഹോദരൻ സുധീഷ് കുമാർ, ജഗതാംബികെ ആണ് അല്ലാതെ ജഗത്ബികെ അല്ലെ''ന്നാണ് സുരഭി പോസ്റ്റിൽ കുറിച്ചിരിക്കുന്നത്. ഒരു അക്ഷര പിശക് വന്നതിൽ സാമൂഹ്യ മാധ്യമങ്ങൾ ഇത്രയധികം വളച്ചൊടിക്കുമെന്ന് സുരഭി ഒരിക്കലും വിചാരിച്ച് കാണില്ല.



Surabhi's Facebook post

Actress surabhi explains who was there in the picture through her Facebook post.