കൊച്ചിയിൽ ഷൂട്ടിങ്ങിനിടയിലായിരുന്ന പൃഥ്വിരാജിന് ഇന്ന് രാവിലെയാണ് കൊവിഡ് 19 സ്ഥിരീകരിച്ചത്. രോഗലക്ഷണങ്ങളൊന്നും തന്നെയില്ലായിരുന്നുവെന്നും സേഫായി ഇരിക്കുന്നെന്നും സമ്പർക്കത്തിലുള്ളവരോട് ടെസ്റ്റ് ചെയ്യാനാവശ്യപ്പെട്ടെന്നും താനിപ്പോൾ ഐസൊലേഷനിലാണെന്നും സമ്പർക്കത്തിലുള്ളവരും ഐസൊലേഷനിൽ പോകണമെന്നും പൃഥ്വിരാജ് ആവശ്യപ്പെട്ടിരുന്നു. അതിനു പിന്നാലെ ഇപ്പോഴിതാ സുരാജ് വെഞ്ഞാറമ്മൂടും ക്വാറൻ്റൈനിലേക്ക് പ്രവേശിക്കുകയാണെന്ന് വ്യക്തമാക്കിയിരിക്കുകയാണ്. തൻ്റെ ഫേസ്ബുക്ക് പേജിലൂടെയാണ് താരം ഇക്കാര്യം അറിയിച്ചത്.
'രാജുവിനും സംവിധായകൻ ഡിജോ ജോസ് ആന്റണിക്കും കോവിഡ് പോസിറ്റീവ്'
സുരാജ് വെഞ്ഞാറമ്മൂടിൻ്റെ ഫേസ്ബുക്ക് പോസ്റ്റ് ഇങ്ങനെയാണ്. 'പ്രിയരേ , ജനഗണ മനയുടെ ഷൂട്ടിങ് നടക്കുന്ന വേളയിൽ രാജുവിനും സംവിധായകൻ ഡിജോ ജോസ് ആന്റണിക്കും കോവിഡ് പോസിറ്റീവ് ആയ വിവരം നിങ്ങൾ എല്ലാവരും അറിഞ്ഞിരിക്കുമല്ലോ.'
'സ്വയം ക്വാറൻ്റൈനിൽ പ്രവേശിച്ചിരിക്കുയാണ്'
'ഷൂട്ടിംഗ് നടന്ന വേളയിൽ ആ ചിത്രത്തിന്റെ ഭാഗമായത് കൊണ്ടും അവരുമായി സമ്പർക്കം ഉള്ളത് കൊണ്ടും ഞാൻ സ്വയം ക്വാറൻ്റൈനിൽ പ്രവേശിച്ചിരിക്കുയാണ്.'
'സമ്പർക്കം വന്നവർ നിർബന്ധിത ക്വാറൻ്റൈനിൽ പോവണം'
'ആയതിനാൽ ഈ കഴിഞ്ഞ ദിവസങ്ങളിൽ ഞാനുമായും ജനഗണമനയുടെ അണിയറ പ്രവർത്തകരുമായും സമ്പർക്കം വന്നവർ നിർബന്ധിത ക്വാറൻ്റൈനിൽ പോവണം.'
'ലക്ഷണങ്ങൾ ഉള്ളവർ എത്രയും പെട്ടന്ന് ടെസ്റ്റ് ചെയ്യണം'
'എന്തെങ്കിലും ലക്ഷണങ്ങൾ ഉള്ളവർ എത്രയും പെട്ടന്ന് ടെസ്റ്റ് ചെയ്യണമെന്നും അറിയിക്കുന്നു. എന്ന് നിങ്ങളുടെ സ്വന്തം സുരാജ് വെഞ്ഞാറമൂട്'. അടുത്തിടെ പ്രഖ്യാപിച്ച കേരള സംസ്ഥാന ചലച്ചിത്ര പുരസ്കാരത്തിൽ മികച്ച നടനുള്ള പുരസ്കാരം സ്വന്തമാക്കിയത് സുരാജ് വെഞ്ഞാറമ്മൂട് ആയിരുന്നു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
