അങ്ങനെ അത് അവസാനിച്ചു!
വെഞ്ഞാറമൂട് പോലീസ് അറസ്റ്റ് ചെയ്ത് ജുഡീഷ്യൽ കസ്റ്റഡിയിൽ വിട്ട ഒരു പ്രതിയ്ക്ക് കോവിഡ് പോസിറ്റീവ് ആയത് കൊണ്ടാണ് താനും, വെഞ്ഞാറമ്മൂട് എം എൽ എ യും , നെല്ലനാട് പഞ്ചായത്ത് പ്രസിഡന്‍റും ഉൾപ്പടെ ക്വാറന്‍റൈനിൽ പോയത്. ഞങ്ങള്‍ പങ്കെടുത്ത വെഞ്ഞാറമൂട് എസ്‍സിബി ആരംഭിച്ച സുഭിക്ഷ കേരളം പദ്ധതിയുടെ ഭാഗമായ കൃഷി ഇറക്കൽ ചടങ്ങിൽ ആ പ്രതിയെ അറസ്റ്റ് ചെയ്ത വെഞ്ഞാറമൂട് സിഐ യും പങ്കെടുത്തിരുന്നു എന്നതായിരുന്നു കാരണം.
സ്രവ പരിശോധന റിസള്‍റ്റ് നെഗറ്റീവായിരുന്നു
വെഞ്ഞാറമൂട് സിഐയുടെ സ്രവ പരിശോധന റിസള്‍റ്റ് നെഗറ്റീവായിരുന്നു അതിനാൽ സിഐയും സെക്കൻഡറി ലിസ്റ്റിൽ പെട്ട ഞങ്ങളും നിരീക്ഷണത്തിൽ നിന്നും മോചിതരായെങ്കിലും തുടർന്നും ഏഴ് ദിവസം കൂടെ നിരീക്ഷണത്തിൽ ഇരിക്കാൻ തീരുമാനിച്ചിരിക്കുകയായിരുന്നു. ആ നിരീക്ഷണ കാലാവധി ജൂൺ 5 ന് അവസാനിച്ചിരിക്കുകയാണ്.
Also Read: ആരാധകർ ഇതുവരെ കാണാത്ത തൻ്റെ മുഖം പരിചയപ്പെടുത്തി മാളവിക!; ട്രോൾക്കമൻ്റുമായി ആരാധകരും!
സൗഹൃദവും, കരുതലും പങ്കുവച്ചവർ നിരവധിയാണ്
ക്വാറന്‍റൈനിലായ വാർത്തയറിഞ്ഞ് നാട്ടിൽ നിന്നും, ഇതര സംസ്ഥാനങ്ങളിൽ നിന്നും,വിദേശത്ത് നിന്നും ഫോണിൽ വിളിച്ചും, മറ്റന്വേക്ഷണങ്ങളിലൂടെയും സ്നേഹവും, സൗഹൃദവും, കരുതലുംപങ്കുവച്ചവർ നിരവധിയാണ്. വിളിച്ചാൽ ബുദ്ധിമുട്ടാകുമോയെന്ന ധാരണയിൽ മറ്റുതരത്തിൽ കാര്യങ്ങൾ അന്വേക്ഷിച്ചറിഞ്ഞവരും ഉണ്ട്.
എല്ലാവരുടെയും സ്നേഹം
എല്ലാവരുടെയും സ്നേഹം ഒരിക്കൽ കൂടി അനുഭവിക്കാൻ കഴിഞ്ഞതിന്‍റെ സന്തോഷം പറഞ്ഞറിയിക്കാനാകാത്തതാണ്. നന്ദി പറഞ്ഞ് പിരിയേണ്ടവരല്ലല്ലോ നമ്മളൊക്കെ തമ്മിൽ എന്നത് കൊണ്ട് ഞാനതിന് തുനിയുന്നില്ല, സുരാജ് വെഞ്ഞാറമ്മൂട് കുറിച്ചിരിക്കുകയാണ്.
Also Read: മക്കൾക്കൊപ്പം ശരണ്യ മോഹൻ; സൈബറിടത്തിൽ വൈറലായി പുതുചിത്രങ്ങൾ