നാല് വര്‍ഷത്തിനുശേഷം സുരേഷ് ഗോപി വീണ്ടും അഭിനയരംഗത്തേക്ക്

'ദുൽഖർ സൽമാൻ നിർമ്മിച്ച് അനൂപ് സത്യൻ സംവിധാനം ചെയ്യുന്ന പുതിയ ചിത്രത്തിന്‍റെ ചിത്രീകരണം ആരംഭിച്ചു. ഏവരുടേയും പ്രാർത്ഥനയും അനുഗ്രഹവും ഉണ്ടാകുമെന്ന വിശ്വാസത്തോടെ...'ഇന്ന് രാവിലെ സുരേഷ് ഗോപി ഫേസ്ബുക്കിൽ കുറിച്ചിരിക്കുന്ന വാക്കുകള്‍ ഇങ്ങനെയാണ്.

Also Read: ദുൽഖർ സൽമാൻ്റെ ആദ്യ നിർമ്മാണ സംരംഭം: 'മണിയറയിലെ അശോകൻ'

2015-ൽ എം മോഹനന്‍റെ മൈ ഗോഡ് എന്ന സിനിമയിലെ അഭിനയശേഷം രാഷ്ട്രീയത്തിലേക്കിറങ്ങിയതോടേയും മറ്റും കുറച്ചുനാള്‍ അഭിനയരംഗത്ത് നിന്ന് വിട്ടു നിന്ന താരം
നാല് വര്‍ഷത്തെ ഇടവേളക്ക് ശേഷം മലയാള സിനിമയിലേക്ക് തിരിച്ചെത്തുന്നതോടനുബന്ധിച്ചാണ് താരത്തിന്‍റെ കുറിപ്പ്. സംവിധായകൻ സത്യൻ അന്തിക്കാടിന്‍റെ മകൻ അനൂപ് സത്യന്‍ സംവിധാനം ചെയ്ത് ദുല്‍ഖര്‍ നിര്‍മിക്കുന്ന ചിത്രത്തിലൂടെയാണ് താരത്തിന്‍റെ തിരിച്ചുവരവ് എന്നതിനാൽ തന്നെ ഇത് തലമുറകളെ സംഗമവും ആകുന്നുണ്ട്.

താൻ വീണ്ടും അഭിനയിക്കാന്‍ പോകുന്ന വിവരം സുരേഷ് ഗോപിക്ക് ആശംസകളുമായി നിരവധിപേര്‍ എത്തിയിട്ടുമുണ്ട്. ശോഭന, കല്യാണി പ്രിയദര്‍ശന്‍ എന്നിവരാണ് സിനിമയിലെ മറ്റ് പ്രധാനകഥാപാത്രങ്ങളായുള്ളത്. ദുല്‍ഖര്‍ സല്‍മാന്‍ ഈ ചിത്രത്തില്‍ അതിഥി വേഷത്തില്‍ എത്തുന്നുണ്ടെന്നും സൂചനയുണ്ട്. ചെന്നൈ ആണ് ചിത്രത്തിന്‍റെ പ്രധാന ലൊക്കേഷന്‍. അല്‍ഫോൺസ് ആണ് ചിത്രത്തിന്‍റെ സംഗീത സംവിധാനം. മുകേഷ് മുരളീധരനാണ് ഛായാഗ്രഹണം.

Also Read: മകളുടെ ആദ്യ മലയാള ചിത്രം; ആശംസകളുമായി പ്രിയദര്‍ശൻ

2015-ൽ തമിഴ് ചിത്രമായ ഐയിലെ ഡോ.വാസുദേവന്‍ എന്ന വില്ലന്‍ കഥാപാത്രത്തിന്‍റെ 'അതുക്കും മേലെ' എന്ന ഡയലോഗ് ഏറെ ശ്രദ്ധിക്കപ്പെട്ടിരുന്നു. 2019, 2020 വര്‍ഷങ്ങളിലായി തമിലരസൻ, മഹാവീര്‍ കര്‍മ്മ, ലേലം-2 തുടങ്ങി നിരവധി സിനിമകളാണ് സുരേഷ് ഗോപിയുടേതായി ഒരുങ്ങുന്നത്.