അഭിനയം കൊണ്ടും പെരുമാറ്റ രീതി കൊണ്ടും തെന്നിന്ത്യയുടെ ഒട്ടാകെ മനം കവർന്ന നടൻമാരിലൊരാളാണ് സൂര്യ. ഇപ്പോൾ സൂര്യ ഇൻസ്റ്റഗ്രാമിൽ പങ്കുവച്ചിരിക്കുന്ന ഒരു ചിത്രമാണ് സൈബർ ഇടം കീഴടക്കുന്നത്. ക്രിക്കറ്റ് ഇതിഹാസം സച്ചിൻ ടെണ്ടുൽക്കറിനൊപ്പമുള്ള ചിത്രമാണിപ്പോൾ സൂര്യ പങ്കുവച്ചിരിക്കുന്നത്. എന്നാൽ എവിടെ വച്ചാണ് കണ്ടുമുട്ടിയതെന്നോ എന്താണെന്നോ ഉള്ള വിവരങ്ങളൊന്നും സൂര്യ വെളിപ്പെടുത്തിയിട്ടില്ല. Also Read:
ബഹുമാനവും സ്നേഹവും എന്നാണ് സൂര്യ ചിത്രത്തിന് ക്യാപ്ഷനായി കുറിച്ചിരിക്കുന്നത്. താരങ്ങളടക്കം നിരവധി പേരാണ് താരത്തിന്റെ പോസ്റ്റിന് കമന്റുമായെത്തിയിരിക്കുന്നത്. സച്ചിനും സൂര്യയ്ക്കൊപ്പമുള്ള ചിത്രം പങ്കുവച്ചിട്ടുണ്ട്. ഇന്നത്തെ സൂര്യോദയം പ്രത്യേകതയുള്ളതായിരുന്നു, നിങ്ങളെ കണ്ടുമുട്ടിയത് അത്ഭുതകരമായിരുന്നു- എന്നാണ് സച്ചിൻ സൂര്യയ്ക്കൊപ്പമുള്ള ചിത്രത്തിനൊപ്പം തമിഴിൽ കുറിച്ചിരിക്കുന്നത്. കമൽഹാസൻ - ലോകേഷ് കനകരാജ് കൂട്ടുകെട്ടിലെത്തിയ വിക്രമിലാണ് സൂര്യ ഒടുവിൽ അഭിനയിച്ചത്. ചിത്രത്തിലെ സൂര്യയുടെ അതിഥി വേഷം ഏറെ ശ്രദ്ധിക്കപ്പെടുകയും ചെയ്തിരുന്നു. റോളക്സ് എന്ന കഥാപാത്രമായാണ് ചിത്രത്തിൽ സൂര്യ എത്തിയത്.
എതിർക്കും തുനിന്ദവനായിരുന്നു സൂര്യയുടേതായി ഏറ്റവുമൊടുവിൽ തീയേറ്ററുകളിലെത്തിയ ചിത്രം. സംവിധായകൻ ശിവയ്ക്കൊപ്പം ഇതുവരെ പേരിട്ടിട്ടില്ലാത്ത പുതിയ പ്രൊജക്ടിന്റെ ചിത്രീകരണത്തിന്റെ തിരക്കിലാണിപ്പോൾ സൂര്യ. തന്റെ സൂപ്പർ ഹിറ്റ് ചിത്രമായ സൂരറൈ പോട്രിന്റെ ഹിന്ദി റീമേക്ക് ഒരുക്കുകയും ചെയ്യുന്നുണ്ടിപ്പോൾ സൂര്യ. താരത്തിന്റെ തന്നെ നിർമ്മാണക്കമ്പനിയായ 2ഡി എന്റർടെയ്ൻമെന്റ്സാണ് ചിത്രം നിർമ്മിച്ചിരിക്കുന്നത്. നിർമാതാവായാണ് സൂര്യയുടെ ബോളിവുഡിലേക്കുള്ള അരങ്ങേറ്റം. അക്ഷയ് കുമാറും ഭൂമി പട്നേക്കറുമാണ് ചിത്രത്തിൽ പ്രധാന വേഷത്തിലെത്തുന്നത്.
ഹിന്ദി പതിപ്പിൽ സൂര്യ അതിഥി വേഷത്തിലെത്തുന്നുണ്ടെന്നാണ് വിവരം. ബാല സംവിധാനം ചെയ്യുന്ന വണങ്കാൻ എന്ന ചിത്രത്തിൽ നിന്ന് അടുത്തിടെ സൂര്യ പിന്മാറിയിരുന്നു. കഥയിൽ ചില ചെറിയ മാറ്റങ്ങൾ വരുത്തിയ ശേഷം കഥ സൂര്യയ്ക്ക് അനുയോജ്യമാകുമോ എന്ന് തനിക്ക് സംശയമുണ്ടെന്ന് ബാല പറഞ്ഞിരുന്നു. ഇക്കാര്യം താൻ സൂര്യയുമായി സംസാരിച്ചുവെന്നും പരസ്പര ധാരണയോടെ അദ്ദേഹം ചിത്രത്തിൽ നിന്ന് പിന്മാറുകയായിരുന്നുവെന്നും ബാല മുൻപ് പറഞ്ഞിരുന്നു. പാ രഞ്ജിത്തിനൊപ്പവും സൂര്യയുടെ ചിത്രം ഉണ്ടാകുമെന്ന തരത്തിൽ വാർത്തകൾ വന്നിരുന്നു.
Read Latest Malayalam Movie News And Malayalam News
Also Watch:
ബഹുമാനവും സ്നേഹവും എന്നാണ് സൂര്യ ചിത്രത്തിന് ക്യാപ്ഷനായി കുറിച്ചിരിക്കുന്നത്. താരങ്ങളടക്കം നിരവധി പേരാണ് താരത്തിന്റെ പോസ്റ്റിന് കമന്റുമായെത്തിയിരിക്കുന്നത്. സച്ചിനും സൂര്യയ്ക്കൊപ്പമുള്ള ചിത്രം പങ്കുവച്ചിട്ടുണ്ട്. ഇന്നത്തെ സൂര്യോദയം പ്രത്യേകതയുള്ളതായിരുന്നു, നിങ്ങളെ കണ്ടുമുട്ടിയത് അത്ഭുതകരമായിരുന്നു- എന്നാണ് സച്ചിൻ സൂര്യയ്ക്കൊപ്പമുള്ള ചിത്രത്തിനൊപ്പം തമിഴിൽ കുറിച്ചിരിക്കുന്നത്. കമൽഹാസൻ - ലോകേഷ് കനകരാജ് കൂട്ടുകെട്ടിലെത്തിയ വിക്രമിലാണ് സൂര്യ ഒടുവിൽ അഭിനയിച്ചത്. ചിത്രത്തിലെ സൂര്യയുടെ അതിഥി വേഷം ഏറെ ശ്രദ്ധിക്കപ്പെടുകയും ചെയ്തിരുന്നു. റോളക്സ് എന്ന കഥാപാത്രമായാണ് ചിത്രത്തിൽ സൂര്യ എത്തിയത്.
എതിർക്കും തുനിന്ദവനായിരുന്നു സൂര്യയുടേതായി ഏറ്റവുമൊടുവിൽ തീയേറ്ററുകളിലെത്തിയ ചിത്രം. സംവിധായകൻ ശിവയ്ക്കൊപ്പം ഇതുവരെ പേരിട്ടിട്ടില്ലാത്ത പുതിയ പ്രൊജക്ടിന്റെ ചിത്രീകരണത്തിന്റെ തിരക്കിലാണിപ്പോൾ സൂര്യ. തന്റെ സൂപ്പർ ഹിറ്റ് ചിത്രമായ സൂരറൈ പോട്രിന്റെ ഹിന്ദി റീമേക്ക് ഒരുക്കുകയും ചെയ്യുന്നുണ്ടിപ്പോൾ സൂര്യ. താരത്തിന്റെ തന്നെ നിർമ്മാണക്കമ്പനിയായ 2ഡി എന്റർടെയ്ൻമെന്റ്സാണ് ചിത്രം നിർമ്മിച്ചിരിക്കുന്നത്. നിർമാതാവായാണ് സൂര്യയുടെ ബോളിവുഡിലേക്കുള്ള അരങ്ങേറ്റം. അക്ഷയ് കുമാറും ഭൂമി പട്നേക്കറുമാണ് ചിത്രത്തിൽ പ്രധാന വേഷത്തിലെത്തുന്നത്.
ഹിന്ദി പതിപ്പിൽ സൂര്യ അതിഥി വേഷത്തിലെത്തുന്നുണ്ടെന്നാണ് വിവരം. ബാല സംവിധാനം ചെയ്യുന്ന വണങ്കാൻ എന്ന ചിത്രത്തിൽ നിന്ന് അടുത്തിടെ സൂര്യ പിന്മാറിയിരുന്നു. കഥയിൽ ചില ചെറിയ മാറ്റങ്ങൾ വരുത്തിയ ശേഷം കഥ സൂര്യയ്ക്ക് അനുയോജ്യമാകുമോ എന്ന് തനിക്ക് സംശയമുണ്ടെന്ന് ബാല പറഞ്ഞിരുന്നു. ഇക്കാര്യം താൻ സൂര്യയുമായി സംസാരിച്ചുവെന്നും പരസ്പര ധാരണയോടെ അദ്ദേഹം ചിത്രത്തിൽ നിന്ന് പിന്മാറുകയായിരുന്നുവെന്നും ബാല മുൻപ് പറഞ്ഞിരുന്നു. പാ രഞ്ജിത്തിനൊപ്പവും സൂര്യയുടെ ചിത്രം ഉണ്ടാകുമെന്ന തരത്തിൽ വാർത്തകൾ വന്നിരുന്നു.
Read Latest Malayalam Movie News And Malayalam News
Also Watch: